بۇگىن قازاقستاندا 3 ملن 700 مىڭنان استام وقۋشى وقۋ جىلىن اياقتاپ جاتىر، دەپ حابارلايدى Almaty-akshamy.kz.
«ەلىمىز بويىنشا 172 مىڭ تۇلەك 11 سىنىپ ءبىتىردى، ونىڭ 6 مىڭ 800ء-ى «التىن بەلگى» ۇمىتكەرلەرى. ال 9-سىنىپتى 288 مىڭنان استام تۇلەك ءتامامدادى. 1-10 سىنىپتار ارالىعىنداعى بالاردىڭ 85،3% جازعى دەمالىس جانە ساۋىقتىرۋمەن قامتىلاتىن بولادى. بۇل – ەل بويىنشا 2 ملن 800 مىڭ بالا. ونىڭ ىشىندە 500 مىڭ جەكەلەگەن ساناتتاعى وتباسى بالالارى بار»، - دەلىنگەن وقۋ-اعارتۋ مينيسترلىگىنىڭ حابارلاماسىندا.
بالالار دەمالىسىن ۇيىمداستىرۋ ءۇشىن قالالار سىرتىندا 218 جانە مەكتەپ جانىنداعى، پروفيلدىك، شاتىرلى 10 200 لاگەر جۇمىس ىستەيتىن بولادى.
سونىمەن قاتار «ەتنواۋىل»، «جازدىق جولداما» جوبالارى ىسكە اسىرىلادى. جەتەكشى ۋنيۆەرسيتەتتەر جانىنداعى جازعى جانە وليمپيادالىق رەزەرۆ مەكتەپتەرى جۇمىس جاسايدى.
«جازعى دەمالىستا 1 ملن 400 مىڭ بالا ءۇشىن قوسىمشا ءبىلىم بەرۋ مەكەمەلەرىندەگى سەكسيالار مەن ۇيىرمەلەر اشىلادى. عىلىمي-تەحنيكالىق، مۋزىكالىق، كوركەمدىك، ەكولوگيالىق، تۋريستىك جانە باسقا دا باعىتتارداعى 11 مىڭ ۇيىرمە بالالاردى قابىلدايدى»، - دەلىنگەن حابارلامادا.
سونداي-اق بالالار «جاسىل ەل» باعدارلاماسى شەڭبەرىندە كوگالداندىرۋمەن شۇعىلدانادى، ەلىمىزدىڭ كيەلى جەرلەرىنە ساياحاتتاپ، سپورتتىق جاتتىقتىرۋ جيىندارىندا شىنىعادى، تىلدىك كۋرستارعا قاتىسا الادى.