الماتىدا شاعىن كاسىپتى دامىتۋ ءۇشىن سۋبسيديا الىپ بەرەمىز دەپ ۋادە بەرگەن كۇدىكتىلەر ۇستالدى.
الماتى وبلىسىنان 32 جاستاعى ا. ەسىمدى بيكەش جانە تۇركىستان وبلىسىنىڭ تۇرعىندارى – 23 جاستاعى ن. ەسىمدى ازامات جانە 28 جاستاعى س. ەسىمدى ازامات كۇدىكتى دەپ تانىلدى، دەپ حابارلايدى Almaty-akshamy.kz.
«ءبىزدىڭ بولىمشەنىڭ كريمينالدىق پوليسيا ءبولىمىنىڭ قىزمەتكەرلەرى ءبىرقاتار الاياقتىق جاسادى دەگەن كۇدىكپەن كۇدىكتىلەردى ۇستادى. شاعىن بيزنەسكە سۋبسيديا الۋعا كومەكتەسەمىز دەگەن جەلەۋمەن جاستار قىزمەتتەرى ءۇشىن اقشا الىپ، ۋادەسىندە تۇرماعان. تەرگەۋدىڭ وسى كەزەڭىندە كۇدىكتىلەردىڭ وسىعان ۇقساس 12 ەپيزودقا قاتىسى بار ەكەندىگى بەلگىلى بولدى. ولاردىڭ ارەكەتتەرى ق ر قك-نىڭ 190-بابى 3-بولىگى (الاياقتىق) بويىنشا سارالانادى. كۇدىكتىلەر قاماۋعا الىندى»، – دەدى الاتاۋ اۋداندىق پوليسيا باسقارماسىنىڭ باستىعى تالعات بەركىنبايەۆ.
تەرگەۋ ۇستالعانداردىڭ باسقا دا قىلمىستىق قۇقىق بۇزۋشىلىقتارعا قاتىسى بولۋى مۇمكىن ەكەنىن جوققا شىعارمايدى. وسىعان بايلانىستى، پوليسيا قىزمەتكەرلەرى، ازاماتتاردى كۇدىكتىلەردى تانىعان جاعدايدا مىنا تەلەفون نومىرلەرىنە حابارلاۋعا شاقىرادى: 8 (727) 227-55-02 جانە 8-777-235-55-15. ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىقبۇزۋشىلىق جاساۋدا كىناسىز دەپ تانىلادى.