مادەنيەت جانە سپورت ءمينيسترى فۋتزال اياقدوپشىلارىنىڭ شەبەر ويىندارىنا جوعارى باعا بەردى
وسىعان وراي قازاقستان فۋتبول فەدەراسياسىندا سالتاناتتى ءىس-شارا ءوتتى، دەپ حابارلايدى Almaty-akshamy.kz.
ءىس-شارادا كوماندا جانە باپكەرلەرمەن كەزدەسۋدە مادەنيەت جانە سپورت ءمينيسترى اقتوتى رايىمقۇلوۆا قۇرامامىز جانكۇيەرلەر ءۇمىتىن اقتاپ، فۋتزال الەمىندە سەنساسيا جاساعانىن جەتكىزدى.
بۇل تۋرالى مادەنيەت جانە سپورت مينيسترلىگىنىڭ باسپا ءسوز قىزمەتى حابارلايدى.
«تاباندى ويىن مانەرىن كورسەتىپ، الەمنىڭ الپاۋىت قۇرامالارىنا لايىقتى قارسىلىق كورسەتتىڭىزدەر. تەرەزەسى تەڭ ويىندا ءبىزدىڭ قۇراما ساناسۋعا ءتيىس قارسىلاس ەكەنىن پاش ەتتىڭىزدەر. سىزدەردىڭ جەڭىسكە دەگەن زور ەرىك-جىگەرلەرىڭىز، كوماندانىڭ ۇيىمشىلدىعى، جانقيارلىعى، ءپاتريوتيزمنىڭ جارقىن كورىنىسى كوپكە ۇلگى. سىزدەر ءۇشىن ءار ماچ وڭايعا تۇسكەن جوق. الايدا سىزدەر سىن ساعاتتا شىن شەبەر ەكەندىكتەرىڭىزدى كورسەتۋمەن بولدىڭىزدار. حالىقارالىق فۋتبول فەدەراسياسىنىڭ ءبىزدىڭ قۇرامانى ادال ويىن كورسەتكەنى ءۇشىن ارنايى جۇلدەمەن ماراپاتتاۋى وسىنىڭ ايقىن دالەلى. قۇرمەتتى فۋتبولشىلار، باپكەرلەر، ءبىز سىزدەردى ماقتان تۇتامىز»،- دەدى مينيستر.