وسى جىلدىڭ 9 ايىندا قازاقستان رەسپۋبليكاسىندا بولۋ قاعيدالارىن بۇزعانى ءۇشىن ەلىمىزدىڭ كولىك پوليسەيلەرى 1000-نان استام شەتەلدىكتى اكىمشىلىك جاۋاپكەرشىلىككە تارتتى، – دەپ حابارلايدى اlmaty-akshamy.kz Polisia.kz-كە سىلتەمە جاساپ.
وسى جىلدىڭ 9 ايىندا كولىك پوليسەيلەرى 1000-نان استام شەتەلدىكتى اكىمشىلىك جاۋاپكەرشىلىككە تارتتى، ونىڭ ىشىندە سوت شەشىمى بويىنشا ەلدەن تىس جەرلەرگە 267ء-سى شىعارىلدى. سونداي-اق ىشكى ىستەر ورگاندارىنا شەتەلدىكتەردىڭ كەلۋى تۋرالى ۋاقىتىلى حاباردار ەتپەگەنى جانە ەلدە بولۋ قاعيدالارىن قامتاماسىز ەتپەگەنى ءۇشىن 242 ق ر ازاماتى جاۋاپكەرشىلىككە تارتىلدى.
ماسەلەن “زاڭسىز كەلۋشى – 2023” جەدەل الدىن الۋ ءىس-شاراسىن وتكىزۋ بارىسىندا قاندىاعاش ستانسياسىنداعى جەلىلىك پوليسيا ءبولىمىنىڭ قىزمەتكەرلەرى وزبەكستاننىڭ 30 جاستاعى ازاماتىن انىقتادى. ول ايتەكە بي ستانسياسىنىڭ تەمىرجول ۆوكزالى عيماراتىندا قازاقستان اۋماعىندا جۇمىس ىستەۋگە رۇقسات الماي قابىرعا ارلەۋشى بولىپ جۇمىس ىستەگەن. وعان قاتىستى ق ر اقبتك-نىڭ 517-بابى 5-بولىگى (شەتەلدiكتiڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) بويىنشا اكىمشىلىك حاتتاما تولتىرىلىپ، ايتەكە بي اۋداندىق سوتىنىڭ شەشىمىمەن قۇقىق بۇزۋشىعا 25 اەك مولشەرىندە ايىپپۇل سالىندى.
سونىمەن قاتار جشس-گە قاتىستى جەرگىلىكتى اتقارۋشى ورگاننىڭ رۇقساتىنسىز شەتەلدىك جۇمىس كۇشىن تارتقانى ءۇشىن ق ر اقبتك-نىڭ 519-بابى 3-بولىگى (شەتەلدiك جۇمىس كۇشiن جانە ەڭبەكشi كوشiپ كەلۋشىلەردى قازاقستان رەسپۋبليكاسىنىڭ زاڭناماسىن بۇزا وتىرىپ تارتۋ) بويىنشا اكىمشىلىك حاتتاما تولتىرىلىپ 200 اەك مولشەرىندە ايىپپۇل سالىندى.
ايتا كەتۋ كەرەك، جوعارىدا اتالعان شاعىن كاسىپكەرلىك سۋبەكتىسى وسى جىل ىشىندە ەكىنشى رەت جاۋاپكەرشىلىككە تارتىلدى. ءدال وسىنداي فاكت اتىراۋ ستانسياسىندا دا انىقتالدى، وندا تەمىرجول ۆوكزالى عيماراتىنىڭ اسحاناسىندا وزبەكستان رەسپۋبليكاسىنىڭ 5 ازاماتى ەڭبەك قىزمەتىن زاڭسىز جۇزەگە اسىردى. شەتەلدىك قۇقىق بۇزۋشىلارعا قاتىستى سوت شەشىمىمەن ءارقايسىسىنا 25 اەك مولشەرىندە ايىپپۇل سالىندى. جۇمىس بەرۋشى جەكە كاسىپكەرگە قاتىستى ق ر اقبتك-نىڭ 519-بابى 1-بولىگى (شەتەلدiك جۇمىس كۇشiن جانە ەڭبەكشi كوشiپ كەلۋشىلەردى قازاقستان رەسپۋبليكاسىنىڭ زاڭناماسىن بۇزا وتىرىپ تارتۋ) بويىنشا اكىمشىلىك حاتتاما تولتىرىلىپ 50 اەك مولشەرىندە ايىپپۇل سالىندى
اقپارات كوزى Polisia.kz سايتىندا: https://polisia.kz/kolik-politsejleri-1000-nan-astam-sheteldikti-akimshilik-zhauapkershilikke-tartty/