ق ر تجم «سەيسمولوگيالىق تاجىريبە-ادىستەمەلىك ەكسپەديسياسى» مم سەيسميكالىق ستانسالار جەلىسى 11 قازان كۇنى 11 ساعات 27 مينۋتتا جەر سىلكىنىسىن تىركەدى.
ءزىلزالا وشاعى الماتى قالاسىنان وڭتۇستىك-شىعىسقا قاراي 249 شاقىرىم قاشىقتىقتا، قازاقستان اۋماعىندا ورنالاسقان، دەپ حابارلايدى Almaty-akshamy.kz Kazinform.kz-كە سىلتەمە جاساپ.
جەر سىلكىنىسىنىڭ ەنەرگەتيكالىق ساناتى – 9.0. MPV ماگنيتۋداسى – 4.3. تەرەڭدىگى – 10 شاقىرىم. مSك-64 باعانى بويىنشا سەزىلۋى تۋرالى مالىمەتتەر جوق.
«الماتى وبلىسىنىڭ توتەنشە جاعدايلار دەپارتامەنتى جەرگىلىكتى اتقارۋشى ورگاندارعا، پوليسيا باسقارماسىنا، «قازسەلدەنقورعاۋ» مەكەمەسىنە، پروكۋراتۋراعا جانە وزگە دە ۇيىمدارعا حابارلادى، سەنىپ تاپسىرىلعان اۋماقتارداعى جاعداي ناقتىلانۋدا، زارداپ شەككەندەر تۋرالى اقپارات تۇسكەن جوق»،-دەپ اتاپ ءوتتى دەپارتامەنتتەن.