قازاقستاننىڭ ءبىرىنشى راكەتكاسى فرانسيا اشىق چەمپيوناتىنىڭ شيرەك فينالىندا جەڭىلىپ قالدى
«رولان گارروس» ءتۋرنيرى اياقتالعاننان كەيىن ايەلدەر تەننيس قاۋىمداستىعى دۇنيەجۇزىلىك رەيتينگىن جاڭارتتى، دەپ حابارلايدى اlmaty-akshamy.kz.
بۇعان دەيىن اتالعان رەيتينگتىڭ ءتورتىنشى ساتىسىندا بولعان قازاقستاندىق ەلەنا رىباكينا ءوز ورنىن ساقتاپ قالدى. ول «رولان گارروستىڭ» شيرەك فينالىندا جەڭىلىپ قالعان بولاتىن.
ال، قازاقستاننىڭ ەكىنشى راكەتكاسى سانالاتىن يۋليا پۋتينسيەۆا بولسا ەكى ساتىعا تومەندەپ، 41-ورىنعا تۇراقتادى.
كوششباسشىلاردىڭ العاشقى ۇشتىگىندە وزگەرىس بار. «رولان گارروس» چەمپيونى اتانعان پولياك يگا شۆەنتەك ءبىرىنشى ورنىن ساقتاپ قالسا، بەلارۋستىك ارينا سوبولەنكو ەكىدەن ءۇشىنشى ورىنعا تومەندەدى. سايكەسىنشە، امەريكالىق كوري گاۋفف ۇشتەن ەكىگە جوعارىلاپ وتىر.
ال، جۇپتىق بويىنشا جاسالعان رەيتينگتە قازاقستاندىق اننا دانيلينا ءۇش ساتىعا جوعارىلاپ، 54-ورىنعا تۇراقتادى.