الماتىدا قالانىڭ كولىك قاڭقاسىنىڭ ماستەر-جوسپارىن ىسكە اسىرۋ اياسىندا «ساياحات» كولىك-ترانسپلانتاسيالاۋ تورابىنىڭ قۇرىلىسى باستالادى.
ءبىرىنشى كەزەڭدە «قونايەۆ» اۆتوبۋس ايالداماسىنىڭ قولدانىستاعى پاۆيلونىن بولشەكتەۋ جانە سۋ قۇبىرىن قايتا قۇرۋ ماقساتىندا 11 ماۋسىمنان باستاپ رايىمبەك داڭعىلىنىڭ سولتۇستىك جاعىنداعى قونايەۆ كوشەسىنەن شەتكى جولاقتار بويىنشا قوزعالىس شەكتەلەدى.
سونىمەن قاتار، 15-16 ماۋسىم ارالىعىندا رايىمبەك داڭعىلىنان ءسۇيىنباي داڭعىلىنا دەيىنگى سەزدە سۋ قۇبىرىن قايتا قۇرۋ بويىنشا جۇمىستار جۇرگىزىلۋىنە بايلانىستى قوزعالىس شەكتەلەدى. اينالما جول رايىمبەك داڭعىلىمەن، نازاربايەۆ داڭعىلىمەن قيىلىستا جانە ءسۇيىنباي داڭعىلىنداعى تۋننەل ارقىلى وتەتىن سەزد ارقىلى بۇرىلۋ جولىمەن جۇزەگە اسىرىلاتىن بولادى.
جالپى جوبادا ءتورت ايالداما پۋنكتىنىڭ قۇرىلىسى قاراستىرىلعان – «قونايەۆ كوشەسى»، «مەرەي سوو»، «پۋشكين كوشەسى» جانە «ساياحات اۆتوۆوكزالى». جيىنتىعىندا بۇل پۋنكتتەر الماتى اگلومەراسياسىنان ۇلكەن جولاۋشىلار اعىنى بار 63 قالالىق جانە قالا ماڭىنداعى مارشرۋتتارعا قىزمەت كورسەتەدى.
جولاۋشىلاردىڭ جايلى جانە ءقاۋىپسىز كۇتۋىن قامتاماسىز ەتۋ ءۇشىن ءار ايالدامادا ۇزىندىعى 50 مەترگە جۋىق شاتىر سالىنادى، ونىڭ استىندا ءبىر ۋاقىتتا 6 اۆتوبۋس بولۋى مۇمكىن.
سونداي-اق، كەلەتىن مارشرۋتتار تۋرالى اقپاراتى بار ينتەراكتيۆتى تابلولار ورناتىلادى، ىرگەلەس اۋماق اباتتاندىرىلادى. وتىرۋ الاڭدارىن تروتۋارلارمەن جانە باسپالداقتارمەن ۇشتاستىرا وتىرىپ، حالىقتىڭ از قوزعالاتىن توپتارى مەن جاياۋ جۇرگىنشىلەردىڭ بالالار اربالارىمەن كەلۋىن قامتاماسىز ەتۋ ءۇشىن پاندۋستار قاراستىرىلعان.
جوبانى اعىمداعى جىلدىڭ سوڭىنا دەيىن تولىق اياقتاۋ جوسپارلانۋدا.