حالىقارالىق نىسانا كوزدەۋ فەدەراسياسى الەم كۋبوگىنىڭ بارلىق كەزەڭدىك جارىسىنان كەيىن وليمپيادالىق رەيتينگىن جاڭارتتى.
جاڭا رەيتينگ بويىنشا قازاقستاندىق يرينا يۋنۋسمەتوۆا پاريج وليمپياداسىنا قاتىسۋ مۇمكىندىگىنە يە بولدى. ۇلتتىق قۇراما مەرگەنى قايتا ۇلەستىرۋ كەزەڭىندە 10 مەتردەن تاپانشامەن نىسانا كوزدەۋدە جولداماعا قول جەتكىزىپ وتىر، دەپ حابارلايدى اlmaty-akshamy.kz.
بۇل – قازاقستان قۇراماسى سپورتتىق اتۋ فەدەراسياسىنىڭ ەنشىسىندەگى 9-شى ليسەنزيا. بۇنىڭ الدىندا يسلام ساتپايەۆ، كونستانتين مالينوۆسكيي، الەكساندرا لە، ارينا التۋحوۆا، نيكيتا چيريۋكين (نىسانا كوزدەۋ)، اسەم ورىنباي، ەدۋارد ەششەنكو مەن ماريا دميتريەنكو (ستەند اتۋ) پاريج جولداماسىن ەنشىلەگەن بولاتىن.
وسى قاتاردا اسەم ورىنباي مەن يرينا يۋنۋسمەتوۆانىڭ ليسەنزياسى جەكەلەي سىن بويىنشا بولىپ وتىر.
ايتا كەتەتىن جايت، قازىرگى ۋاقىتتا قازاقستان قۇراماسىنىڭ سپورتشىلارى يەلەنگەن ليسەنزيا سانى 67-گە جەتتى.