قازاقستاننىڭ ءبىرىنشى راكەتكاسى ەلەنا رىباكينا دۇيسەنبىدە جاڭارتىلاتىن WTA رەيتينگىسىندە ۇزدىك ۇشتىككە ەنەدى، دەپ حابارلايدى اlmaty-akshamy.kz.
اۋستراليادا بريسبەن ءتۋرنيرىنىڭ جەڭىمپازى اتانعان قازاقستاندىق تەننيسشى 220 مىڭ اقش دوللارى كولەمىندە تابىس تاۋىپ، 500 رەيتينگىلىك ۇپايعا يە بولدى.
وسىلايشا بارلىعى 6811 ۇپاي جيناعان ەلەنا رىباكينا WTA Live رەيتينگىسىندە امەريكالىق كوري گاۋفتى باسىپ وزىپ، 3-ورىنعا كوتەرىلىپ تۇر.
اتالمىش جارىستا 135 مىڭ دوللار تاۋىپ، 325 ۇپايعا قول جەتكىزگەن فيناليست ارينا سوبولەنكو 2-ساتىدا قالادى.
ەسكە سالا كەتەيىك، بۇدان بۇرىن ەلەنا رىباكينانىڭ بايىرعى قارسىلاسىن جەڭىپ، بريسبەن ءتۋرنيرىنىڭ جەڭىمپازى اتانعانىن جازعان بولاتىنبىز.