قازاقستاندا پوليسيا گازبەن جۇرەتىن كولىكتەردىڭ يەلەرىنە ەسكەرتۋ جاساپ جاتىر، دەپ حابارلادى اlmaty-akshamy.kz Polisia.kz-كە سىلتەمە جاساپ.
بيىل 1 قاڭتاردان باستاپ ست 1412-2017 «جول قوزعالىسىن رەتتەۋدىڭ تەحنيكالىق قۇرالدارى. قولدانۋ قاعيدالارى» ۇلتتىق ستاندارتىنا تولىقتىرۋلار ەنگىزىلدى.
ەندى گاز باللونىمەن جابدىقتالعان اۆتوموبيلدەردىڭ جۇرگىزۋشىلەرى GAS دەگەن جازۋى بار بەلگىنى كولىگىنە جاپسىرۋعا مىندەتتى. بۇل شارا قاۋىپسىزدىك ءۇشىن ەنگىزىلدى.
جابىق پاركينگكە مۇنداي كولىكتەردى قويۋعا بولمايدى.
تۇركىستان وبلىسىنىڭ پوليسياسى جۇرگىزۋشىلەردى تەكسەرىپ، ءتۇسىندىرۋ جۇمىستارىن جۇرگىزىپ جاتىر. وسىلايشا، ولار وبلىس ورتالىعىندا كولىكتەردى توقتاتىپ، گاز باللون جابدىعى بار كولىك يەلەرىنە ارنايى بەلگىنى ورناتۋ ماڭىزدى ەكەنىن ايتتى.
تالاپقا باعىنباعاندارعا 11 مىڭ تەڭگە ايىپپۇل سالىنادى.