ەلەنا رىباكينا دوحا قالاسىندا ءوتىپ جاتقان WTA 1000 ءتۋرنيرىنىڭ شيرەك فينالىندا لەيلا فەرناندەستى جەڭىپ WTA 1000 ءتۋرنيرىنىڭ جارتىلاي فينالىنا شىقتى
كانادالىق تەننيسشى ماچتى جاقسى باستاپ، 4:1 ەسەبىمەن العا شىقتى. دەگەنمەن بۇدان كەيىن رىباكينا قاتارىنان 5 گەيمدى الىپ، ەسەپتى 6:4-كە جەتكىزدى. ەكىنشى سەتتە رىباكينا ەسەپ 3:2 بولعان كەزدە برەيك جاساي الدى. سودان كەيىن ماچتى تاعى ءبىر برەيكپەن تۇيىندەدى. ەسەپ – 6:2. ماچ ءبىر ساعات، 34 مينۋتقا سوزىلدى. وسى ۋاقىتتا رىباكينا 6 ەيسپەن بىرگە 11 برەيك-پوينتتىڭ بەسەۋىن ءوز ەسەبىنە جازدى.
ەلەنا رىباكينا فينالعا شىعۋ ءۇشىن الەمنىڭ 32-راكەتكاسى، 2021 جىلعى رولان گارروس جارىسىنىڭ ءفيناليسى، رەسەيلىك اناستاسيا پاۆليۋچەنكوۆامەن كەزدەسەدى.