7 شىلدەدە رىباكينا العاش رەت ۋيمبلدون ءتۋرنيرىنىڭ فينالىنا شىقتى
مەملەكەت باسشىسىنىڭ جارلىعىمەن سپورتتاعى اسا ۇزدىك جەتىستىكتەرى جانە حالىقارالىق ىنتىماقتاستىقتى دامىتۋعا قوسقان ۇلەسى ءۇشىن قازاقستان رەسپۋبليكاسى مادەنيەت جانە سپورت مينيسترلىگىنىڭ «سپورتتى دامىتۋ ديرەكسياسى» رمقك سپورتشى-نۇسقاۋشىسى ەلەنا اندرەيەۆنا رىباكينا ءىى دارەجەلى «دوستىق» وردەنىمەن ماراپاتتالدى، دەپ حابارلايدى Almaty-akshamy.kz بورت №1 Telegram كانالىنا سىلتەمە جاساپ.
ايتا كەتسەك، 7 شىلدە كۇنى ەلەنا رىباكينا العاش رەت ۋيمبلدون ءتۋرنيرىنىڭ فينالىنا شىقتى. وسى جەڭىسىمەن سپورتشىنى مەملەكەت باسشىسى قاسىم-جومارت توقايەۆ قۇتتىقتادى. ە.رىباكينا جەڭىس ءۇشىن بار كۇشىن سالعانىن ايتىپ، اعىنان جارىلدى. بۋكمەكەرلەر ۋيمبلدون فينالىندا ەلەنا رىباكينانىڭ قارسىلاسىن فاۆوريت دەپ تانىعان بولاتىن. سوعان قاراماستان ول ۋيمبلدون ءتۋرنيرىنىڭ چەمپيونى اتاندى. قازاقستان پرەزيدەنتى رىباكينانى تاريحي جەڭىسىمەن قۇتتىقتادى. سونداي-اق ە. رىباكينا قازاقستان تەننيس فەدەراسياسىنىڭ سىياقىسىن الۋدان باس تارتتى. مۇنى دارىندى سپورتشى قارجىنى قايىرىمدىلىققا، قازاقستاننىڭ جاس سپورتشىلارىن قولداۋعا جۇمساعىسى كەلەتىنىمەن ءتۇسىندىردى.