انتيكور مەملەكەتتىك باعدارلاما اياسىندا جەمقورلىق تاۋەكەلدەرىن انىقتادى
الماتى وبلىسىندا “Artsport" مەملەكەتتىك باعدارلاماسى اياسىندا جەمقورلىق تاۋەكەلدەرى انىقتالدى، دەپ حابارلايدى Almaty-akshamy.kz.
ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى جەلتوقسان ايىندا «Artsport» مەملەكەتتىك باعدارلاماسى شەڭبەرىندە مەملەكەتتىك سپورتتىق جانە شىعارماشىلىق تاپسىرىستى جان باسىنا شاققانداعى نورماتيۆتىك قارجىلاندىرۋ سالاسىنداعى سىبايلاس جەمقورلىققا قارسى مونيتورينگتى اياقتادى، مونيتورينگ بارىسىندا مەملەكەتتىك تاپسىرىستى ءونىم بەرۋشىلەر اراسىندا ءبولۋ كەزىندە اشىقتىقتىڭ بولماۋىنا، ءونىم بەرۋشىلەردىڭ ىرىكتەۋ كەزىندە جالعان قۇجاتتاردى ۇسىنۋىنا، بيۋدجەت قاراجاتىنىڭ ورىنسىز جۇمسالۋىنا بايلانىستى، artsport.edu.kz پلاتفورماسىنىڭ جەتىلمەگەندىگى جانە وپەراتور تاراپىنان ءتيىستى باقىلاۋدىڭ بولماۋى سەكىلدى ءبىرقاتار سىبايلاس جەمقورلىق تاۋەكەلدەرى بەلگىلەندى.
«مىسالى، وسى جىلى 9 جەلتوقساندا سوت ۇكىمىمەن دەنە شىنىقتىرۋ جانە سپورت باسقارماسىنىڭ باس مامانى "Artsport" باعدارلاماسى بويىنشا جان باسىنا شاققانداعى قارجىلاندىرۋدىڭ مەملەكەتتىك تاپسىرىسىنا قاتىسۋ ءۇشىن ءونىم بەرۋشىنىڭ ءوتىنىمىن وڭ قاراعانى ءۇشىن كاسىپكەردەن 400 000 تەڭگە كولەمىندە پارا العانى ءۇشىن كىنالى دەپ تانىلىپ، وعان 12 ملن تەڭگە كولەمىندە ايىپپۇل (پارا سوماسىنىڭ 30 ەسەلەنگەن مولشەرى)، ال كاسىپكەرگە 800 مىڭ تەڭگە كولەمىندە ايىپپۇل جازاسى تاعايىندالدى»، - دەلىنگەن حابارلامادا.
اتالعان سىبايلاس جەمقورلىق قۇقىقبۇزۋشىلىقتى جاساۋدىڭ سەبەبى – مەملەكەتتىك تاپسىرىس وپەراتورلارىنىڭ قالاۋى بويىنشا وكىلەتتىكتەردىڭ بولۋى ناتيجەسىندە مەملەكەتتىك تاپسىرىس ءۇشىن ءونىم بەرۋشىلەردى ىرىكتەۋ جونىندەگى شەشىمدەردى قابىلداۋ ءراسىمىن ەگجەي-تەگجەيلى رەگلامەنتتەۋى.
سونداي-اق جەتكىزۋشىلەردىڭ وبلىستىڭ ءارتۇرلى اۋداندارىندا ءبىر مەزگىلدە قىزمەت كورسەتۋ فاكتىسى انىقتالدى، بۇل كورسەتىلەتىن قىزمەتتەردىڭ ورىندالۋىنا كۇمان كەلتىرەدى.
ماسەلەن، الماتى وبلىسىندا كاسىپكەر سپورتتىڭ 15 ءتۇرى بويىنشا مەملەكەتتىك تاپسىرىستى جەڭىپ الىپ، ارا قاشىقتىعى 65 كم قۇرايتىن وبلىستىڭ ەكى اۋدان ورتالىعىندا ورنالاسقان(ىلە اۋدانىندا، وتەگەن باتىر كەنتىندە جانە ەڭبەكشىقازاق اۋدانىندا، ەسىك قالاسى). "دزيۋدو" جانە "شاحمات" جاتتىعۋلارى ءۇشىن "س" جاتتىقتىرۋشىسىن جالداعان.
سونداي-اق، تاعى ءبىر كاسىپكەر "ب" جاتتىقتىرۋشىسىن جالدايدى، قۇجاتتارعا سايكەس ۇزىناعاش اۋىلىندا (جامبىل اۋدانى) جانە ەسىك قالاسىندا (تالعار اۋدانى) ول كوركەم گيمناستيكادان ساباق بەرەدى، ولاردىڭ اراسىنداعى قاشىقتىق 100 كم-دەن اسادى.
سونىمەن قاتار الماتى وبلىسى كوشى-قون پوليسياسى باسقارماسىنىڭ دەرەكتەرى بويىنشا "Artsport" پلاتفورماسىندا 552 بىرلىك كولەمىندە جسن جوق نەمەسە دەرەكتەرگە سايكەس كەلمەيتىن اتا-انالار تىركەلگەن.
«مەملەكەتتىك سپورتتىق تاپسىرىستى جان باسىنا شاققانداعى نورماتيۆتىك قارجىلاندىرۋدىڭ الدىن الا ەسەپتەۋلەرى بويىنشا مەملەكەت اعىمداعى جىلى 552 ناقتى جۇمىس جاسامايتىن تۇلعالارعا (وسى جىلدىڭ 1 قاڭتارىنان قازان ايىنا دەيىن) 75 ملن تەڭگە سوماسىندا بيۋدجەت قاراجاتىن تولەگەن (مادەنيەت جانە سپورت باسقارماسىنىڭ دەرەكتەرى بويىنشا ءار بالاعا اي سايىن ورتا ەسەپپەن 13 600 تەڭگە مولشەرىندە بيۋدجەت قاراجاتى كوزدەلگەن)»، - دەلىنگەن حابارلامادا.
جوعارىدا اتالعان بارلىق فاكتىلەر سىبايلاس جەمقورلىققا قارسى قىزمەتتىڭ وندىرىسىنە الىندى.
جوعارىدا باياندالعان جانە تالدامالىق انىقتامادا باياندالعان وزگە دە فاكتىلەر نەگىزىندە الماتى وبلىسىنىڭ اكىمدىگىنە سىبايلاس جەمقورلىق تاۋەكەلدەرىن جويۋ ۇسىنىلدى.