ەلەنا رىباكينا ماياميدە الەمنىڭ ءۇشىنشى راكەتكاسىن جەڭىپ، فينالعا شىقتى
قازاقستاننىڭ ءبىرىنشى، الەمنىڭ 7-راكەتكاسى ەلەنا رىباكينا مايامي WTA 1000 ءتۋرنيرىنىڭ جارتىلاي فينالىندا جەڭىسكە جەتىپ فينالعا شىقتى، دەپ حابارلايدى almaty-akshamy.kz.
بۇدان بۇرىن جازعانىمىزداي، ءبىرىنشى سەتتە ەلەنا رىباكينا تاي-برەيكتە قارسىلاسىنان باسىم تۇسكەن ەدى.
جاڭبىرعا بايلانىستى ۇزىلىستەن كەيىن ماچ قايتا جالعاستى.
ەكىنشى سەتتە د.پەگۋلا برەيك جاساپ، 3:1 ەسەبىمەن العا كەتتى. دەگەنمەن ەلەنا تارازى باسىن تەڭەستىرىپ قانا قويماي، ءوزى العا شىقتى – 5:4. اقىرى ماچقا دوپ بەرگەندە، ءوز مۇمكىندىگىن جىبەرگەن جوق – 6:4. وسىعان دەيىن ە.رىباكينا د.پەگۋلادان ەكى رەت جەڭىلسە، سونىڭ ەسەسىن بۇگىن قايتاردى.
ءبىر ساعات 52 مينۋتقا سوزىلعان تارتىستى باسەكە بارىسىندا قازاقستاندىق تەننيسشى 11 ەيس جاساپ، 15 برەيك-پوينتتىڭ التاۋىن پايدالاندى. قارسىلاسى 1 ەيس، 5 برەيكپەن (11 برەيك-پوينت) كوزگە ءتۇستى.
ە.رىباكينا فينالدا الەمنىڭ 12-راكەتكاسى، چەحيالىق پەترا كۆيتوۆا نەمەسە رەيتينگتە 74-ساتىداعى رۋمىنيالىق سورانا كىرستيانىڭ بىرەۋىمەن تالاسادى.