سەرىك جاراسبايەۆ «الماتى» وليمپياداعا دايىندىق ورتالىعى ديرەكتورى قىزمەتىنە تاعايىندالدى.
مادەنيەت جانە سپورت ءمينيسترى اسحات ورالوۆ سەرىك جاراسبايەۆقا حانچجوۋداعى جازعى ازيادا مەن پاريجدەگى وليمپيادا قارساڭىندا سپورتشىلاردىڭ دايىندىعىن كۇشەيتۋدى مىندەتتەدى، دەپ حابارلايدى Almaty-akshamy.kz ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
مينيستر سەرىك جاراسبايەۆتىڭ سپورت سالاسىنىڭ ءتۇرلى سالالارىنداعى: جاس سپورتشىلاردى جاتتىقتىرۋدان باستاپ مينيسترلىكتىڭ قولداۋىمەن اۋقىمدى جوبالاردى ىسكە اسىرۋعا دەيىنگى باي تاجىريبەسىن ەرەكشە اتاپ ءوتتى.
سەرىك جاراسبايەۆ 1984 جىلى سولتۇستىك قازاقستان وبلىسىندا دۇنيەگە كەلگەن. م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن، رەسەي حالىقارالىق وليمپيادا ۋنيۆەرسيتەتىن ءتامامداعان.
ماماندىعى - دەنە شىنىقتىرۋ جانە سپورت، مەملەكەتتىك جانە جەرگىلىكتى باسقارۋ، سپورتتىق اكىمشىلەندىرۋ.
2006-2007 جىلدارى پەتروپاۆلداعى بالالار-جاسوسپىرىمدەر سپورت مەكتەبىندە بوكستان جاتتىقتىرۋشى-وقىتۋشى، نۇسقاۋشى-سپورتشى بولىپ جۇمىس ىستەدى.
2007-2010 جىلدارى — سولتۇستىك قازاقستان وبلىسى تۋريزم، دەنە شىنىقتىرۋ جانە سپورت باسقارماسىنىڭ باس مامانى، وقۋ-سپورت ءبولىمىنىڭ باسشىسى.
2011-2012 جىلدارى ق ر تۋريزم جانە سپورت مينيسترلىگىنىڭ سپورت كوميتەتىنىڭ عىلىمي-ادىستەمەلىك قامتاماسىز ەتۋ، يننوۆاسيالىق تەحنولوگيالار جانە ءبىلىم باسقارماسىنىڭ ساراپشىسى، باس ساراپشىسى؛ سقو تۋريزم، دەنە شىنىقتىرۋ باسقارماسى باسشىسىنىڭ ورىنباسارى بولىپ جۇمىس ىستەدى.
2012-2014 جىلدارى ق ر سپورت جانە دەنە شىنىقتىرۋ ىستەرى اگەنتتىگىنىڭ جوعارى جەتىستىكتەر سپورتى جانە سپورت رەزەرۆى دەپارتامەنتىنىڭ جازعى سپورت تۇرلەرى باسقارماسىنىڭ باسشىسى، سپورت جانە دەنە شىنىقتىرۋ ىستەرى اگەنتتىگىنىڭ جوعارى جەتىستىكتەر سپورتى جانە سپورت رەزەرۆى دەپارتامەنتىنىڭ ديرەكتورى قىزمەتتەرىن اتقارعان.
2014-2018 جىلدارى ق ر مسم سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى بولدى. 2018-2019 جىلدارى ق ر مسم سپورت جانە دەنە شىنىقتىرۋ ىستەرى كوميتەتىنىڭ ءتوراعاسى قىزمەتىن اتقاردى.
2019-2021 جىلدارى — ق ر مسم سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى.
2021 جىلى — «قازاقستان كەرلينگ، ەدەندەگى كەرلينگ جانە پەتانگ فەدەراسياسى» رقب ءبىرىنشى ۆيسە-پرەزيدەنتى.
2021-2023 جىلدارى ق ر مادەنيەت جانە سپورت ءمينيسترىنىڭ ورىنباسارى قىزمەتىن اتقارعان.