كەزەكتى «TALQYLAU» ديالوگ الاڭىنىڭ وتىرىسىندا «قازاقستاندىق ەلەكتر ەنەرگەتيكاسى قاۋىمداستىعى» زتب ءتوراعاسى تالعات تەمىرحانوۆ ەلدەگى ەلەكتر ەنەرگياسىنىڭ جەتىسپەۋشىلىگىنە نازار اۋداردى.
«قازىرگى ۋاقىتتا ەلىمىزدە 30 ءىرى ينۆەستيسيالىق جوبا قاراستىرىلۋدا. ولاردى ءساتتى جۇزەگە اسىرۋ ءۇشىن 8 گيگاۆاتت ەلەكتر ەنەرگياسى قاجەت بولادى. بۇل ەلدە وندىرىلەتىن جالپى كولەمنىڭ جارتىسىنا جۋىعىن قۇرايدى. مۇنداي ەنەرگيانى قايدان الامىز؟ بۇگىندە ەلىمىزدەگى ەلەكتر ەنەرگياسىنىڭ شامامەن 60%-ىن كومىر گەنەراسياسى قامتاماسىز ەتەدى، ونىڭ 80%-ى 60 جىلدان استام ۋاقىت بويى جۇمىس ىستەپ كەلەدى. سونىمەن قاتار، كومىرتەگى بەيتاراپتىلىعىنا قاتىستى تالاپتار بار. بۇل ءبىزدى ماڭىزدى شەشىم قابىلداۋعا ءماجبۇر ەتەدى. وسىعان بايلانىستى، حالىقتىق شتابتىڭ جۇمىسىن جوعارى باعالايمىن، ويتكەنى ولار بارلىق اسپەكتىلەردى مۇقيات تالداپ، حالىققا وبەكتيۆتى اقپارات جەتكىزىپ جاتىر»، – دەدى ول.
ايتا كەتۋ كەرەك، وتىرىس قازاقستان حالقىنا جولداۋعا جانە ەل ومىرىندەگى ماڭىزدى قادامداردىڭ ءبىرى – اەس قۇرىلىسى ماسەلەسىنە ارنالدى، وندا قاتىسۋشىلار ءوز پىكىرلەرى مەن ۇسىنىستارىن ءبىلدىردى.