قازاقستاندا اەس سالۋ باسقا مەملەكەتتەرگە ساياسي تاۋەلدىلىكتى ارتتىرمايدى، كەرىسىنشە، ەلدىڭ ەنەرگەتيكالىق تاۋەلسىزدىگىن نىعايتۋعا ىقپال ەتەدى. بۇل ستراتەگيالىق ماڭىزدى جوبا قازاقستانعا ءوز ەنەرگەتيكالىق رەسۋرستارىن دەربەس باسقارۋعا مۇمكىندىك بەرەتىن سەنىمدى جانە تۇراقتى ەنەرگيامەن قامتاماسىز ەتۋگە باعىتتالعان.
جوبانىڭ قاۋىپسىزدىگىن قامتاماسىز ەتۋ جانە سىرتقى تاۋەكەلدەردى ازايتۋ ماقساتىندا سەنىمدى حالىقارالىق سەرىكتەستەرمەن ىنتىماقتاستىق تەتىكتەرى مەن وزىق تەحنولوگيالاردى ەنگىزۋ كوزدەلىپ وتىر. قازاقستان اەس جوباسىنىڭ ەڭ جوعارى ستاندارتتارعا ساي بولۋى جانە ەل مۇددەسىنە تولىق سايكەس كەلۋى ءۇشىن قارقىندى جۇمىس اتقارۋدا.
اەس – ساياسي ەمەس، كوممەرسيالىق جوبا. سەرىكتەس رەتىندە تاڭدالاتىن كەز كەلگەن كومپانيا اەس سالۋمەن اينالىسادى، ءبىراق ونىڭ جۇمىسىنا قاتىسپايدى. قازىرگى ۋاقىتتا جۇڭگو، كورەيا، رەسەي جانە فرانسيامەن كەلىسسوزدەر جۇرگىزىلۋدە. وسى ەلدەردىڭ اراسىنان قازاقستاننىڭ قاجەتتىلىكتەرىنە كەشەندى تۇردە جاۋاپ بەرە الاتىن سەرىكتەس تاڭدالادى. سونىمەن قاتار، امەريكالىق (NuScale) جانە امەريكالىق-جاپوندىق (GE-Hitachi) بىرلەسكەن كومپانيالارىنىڭ تومەن قۋاتتى پەرسپەكتيۆتى رەاكتورلارى زەرتتەلۋدە.