نازاربايەۆ ۋنيۆەرسيتەتى ءالى دە بيۋدجەتكە قول جايىپ وتىر.
نازاربايەۆ ۋنيۆەرسيتەتىنە جۇرگىزىلگەن اۋديتتەن كەيىن قارجىلىق "شەبەرلىكتىڭ" جاڭا قىرلارى انىقتالدى. قارجىنى جوسپارلاۋ تيىمدىلىگى 73 ميلليارد تەڭگە كولەمىندە "جوسپاردان تىس" ناتيجە بەرسە، قارجىلىق بۇزۋشىلىقتار جارتى ميلليارد تەڭگەگە جەتىپ وتىر، دەپ حابارلايدى aqshamnews.kz
ءماجىلىستىڭ دالىزىندە جوعارى اۋديتورلىق پالاتانىڭ ءتوراعاسى ءاليحان سمايىلوۆ ءاۋديتتىڭ ناتيجەلەرىمەن بولىسە وتىرىپ، ۋنيۆەرسيتەتتىڭ باستى پروبلەماسىن اتاپ ءوتتى: مەملەكەتتىك قولداۋدىڭ تەڭدەسسىز كولەمىنە قاراماستان، ۋنيۆەرسيتەت ءالى دە بيۋدجەتتىك "قالتانىڭ" قۇشاعىندا وتىر.
97% قارجىلاندىرۋ بيۋدجەتتەن تۇسە وتىرىپ، "قارجىلىق تاۋەلسىزدىككە قول جەتكىزەمىز" دەگەن ستراتەگيالىق قۇجاتتاعى ارمانداردى جەلگە ۇشىرعانداي. سمايىلوۆتىڭ سوزىنشە، بۇل ماسەلە ۋنيۆەرسيتەتتىڭ "باسقا كوزدەردەن" قارجى تابۋعا اسا قۇلشىنىس تانىتپاعانىنان تۋىنداپ وتىر.
"تاۋەلسىزدىككە ۇمتىلۋدىڭ ورنىنا، بيۋدجەتكە بايلانىپ قالۋ — نازاربايەۆ ۋنيۆەرسيتەتىنىڭ نەگىزگى پروبلەماسى. قۇجات بويىنشا ولار بيۋدجەتكە تاۋەلدىلىكتى ازايتىپ، وزگە قارجى كوزدەرىنە ارقا سۇيەۋى ءتيىس ەدى، ءبىراق ناتيجە كەرىسىنشە"، — دەپ مالىمدەدى ول.
مۇمكىن، ۋنيۆەرسيتەتتىڭ "بيۋدجەتتىك قولداۋ" ساباقتارى تيىمدىرەك ءوتىپ جاتقان شىعار؟ الدە تاۋەلسىز قارجىلاندىرۋ — تەك تەوريالىق ءپان بە؟ قالاي دەسەك تە، اۋديت ناتيجەلەرى بىزگە ءبىلىم مەن قارجىنىڭ ۇيلەسىم تابۋى ءالى دە ارمان ەكەنىن كورسەتەدى.