ەلدەن كارتوپ ەكسپورتتالمايدى

ەرتەڭنەن باستاپ ەلىمىزدە كارتوپ ەكسپورتىنا تىيىم سالىنادى

ۆەدومستۆوارالىق كوميسسيا شەكتەۋدى كوكتەمگە دەيىن ىشكى نارىقتى تولىق قامتىپ، ءونىم قۇنىن ارتتىرماۋ ماقساتىندا قابىلداعان، دەپ حابارلايدى Almaty-akshamy.kz 24.kz-كە سىلتەمە جاساپ

اۋىل شارۋاشىلىعى ءمينيسترى ەربول قاراشوكەيەۆ كۇزگى جيىن-تەرىم كوپ مەملەكەت ءۇشىن ءساتسىز بولعانىن ايتادى. اسىرەسە، رەسەي، پاكىستان مەن يراننان بولەك، تمد كارتوبىنان دامەسىن ءبىلدىردى.

كورشى ەلگە 80 مىڭ تونناسى قاجەت. مينيستر «ونىڭ ءبارىن ءبىز ەكسپورتتايتىن بولساق، كوكتەمگى جاعداي ءبىر ايدا قايتالانار ەدى» دەيدى. سەبەبى ەلدە القاپ كەڭەيتىلگەنمەن، قامبا بىلتىرعىدان 100 مىڭ تونناعا از تولىقتى.

جيىنى 3 ملن 900 مىڭ تونناسى جينالعان. ءقازىر قورداعى ءونىم مەن ىشكى سۇرانىس قايتا سارالانىپ جاتىر. ارتىلعان كارتوپ سىرتقا شىعارىلۋى مۇمكىن. دەگەنمەن، ونىڭ ءوزى جەتكىلىكسىز بولادى. ويتكەنى، سۇرانىستى وتەۋ مۇمكىن ەمەس. ەلىمىز جىل سايىن 40-50 مىڭ توننا ءونىمدى يمپورتتايدى.

ەندى قۇزىرلى ماماندار وندىرۋشىلەرگە ىشكى نارىققا كوڭىل بولۋگە كەڭەس بەرەدى. 

«كورشى ەلدەردى قاراساق، مىسالى، قىرعىزستانداعى كارتوپتىڭ كوپ بولىگى ەكسپورتتالعان. وزبەكستان  دا سىرتقى نارىققا تاۋەلدى. ال رەسەيدە بيىل 8،3 پروسەنتكە از كارتوپ الىنعان. ياعني، قازاقستاندىق ءونىمدى تۇگەل ساتىپ الۋى مۇمكىن دەگەن ءسوز. وسى جاعدايلاردى ەسكەرە وتىرىپ، ۆەدومستۆوارالىق كوميسسيا ەكسپورتتى شەكتەۋ تۋرالى شەشىم قابىلدادى»، - دەدى ق ر اۋىل شارۋاشىلىعى ءمينيسترى ەربول قاراشوكەيەۆ.