الدىمىزدا كەلە جاتقان ۇلكەن مەرەكە قارساڭىندا الەۋمەتتىك ماڭىزى بار ازىق-تۇلىك ونىمدەرى باعاسىنىڭ وسۋىنە جول بەرىلمەۋ كەرەك.
الماتى قالاسى اكىمىنىڭ ورىنباسارى ماقسات قيقىموۆتىڭ توراعالىعىمەن، كۇندەلىكتى كوپ تۇتىنىلاتىن ازىق-تۇلىك ونىمدەرىن ساتاتىن ءىرى ساۋدا جەلىلەرى مەن دۇكەندەردىڭ («ماگنۋم»، «Small»، «تويمارت»، «Carefood»، «Metro»، «ستوليچنىي»، «يۋبيلەينىي»، «داستارحان فۋد» جانە ت.ب.) وكىلدەرىمەن وتكەن كەڭەستە وسى ماسەلە تالقىلاندى.
جيىن قورىتىندىسى بويىنشا الماتى قالاسىنىڭ كاسىپكەرلىك جانە ينۆەستيسيالار باسقارماسى، «الماتى «اكك» اق جانە كاسىپكەرلىك سۋبەكتىلەرى اراسىندا قانت پەن جۇمىرتقا جەتكىزۋ جونىندە مەموراندۋمدار جاسالدى. بۇگىنگى تاڭدا تىكەلەي جەتكىزىلىمدەردى ۇيىمداستىرۋ ەسەبىنەن «ستوليچنىي»، «يۋبيلەينىي»، «داستارحان فۋد» دۇكەندەرىندە قانت باعاسىنىڭ 324 تەڭگەدەن 287 تەڭگەگە دەيىن، «Small»، «Metro»، «Carefood»، «تويمارت» دۇكەندەرىندە 320 تەڭگەدەن 280 تەڭگەگە دەيىن تومەندەۋى قامتاماسىز ەتىلدى.
جۇمىرتقا (1ء-شى ساناتتاعى) جەتكىزۋدى ۇيىمداستىرۋدىڭ ناتيجەسىندە «ستوليچنىي»، «يۋبيلەينىي» دۇكەندەرىندە باعالار 480 تەڭگەدەن 420 تەڭگەگە دەيىن، «Carefood» جەلىسىندە 440 تەڭگەگە دەيىن تومەندەدى. قالانىڭ ءىرى بازارلارىنداعى «الەۋمەتتىك دۇكەندەردە» باعانى تۇراقتاندىرۋ ءۇشىن كارتوپ باعاسى 111 تەڭگەگە دەيىن، ال ءسابىز 120 تەڭگەگە دەيىن تومەندەدى. «تويمارت» ساۋدا جەلىسىندە كارتوپ باعاسى 199 تەڭگەدەن 179 تەڭگەگە دەيىن ارزاندادى. سونداي-اق، بيىل جىلدىڭ سوڭىنا دەيىن «JLC» جەلىسىندە ءسۇت پەن ايران باعاسىن 3 تەڭگەگە (250 تەڭگەدەن 247 تەڭگەگە دەيىن) تومەندەتۋ بويىنشا كەلىسىمگە قول جەتكىزىلدى.
وسى ورايدا ايتا كەتسەك، الماتىدا الەۋمەتتىك ماڭىزى بار ازىق-تۇلىك تاۋارلارى باعاسىنىڭ وسۋىنە جول بەرمەۋ جونىندەگى كەڭەستەر اپتا سايىن وتكىزىلەدى.