جوعارعى سوت قازاقستانداعى سوت وتىرىستارىن تىكەلەي ەفيردە وتكىزۋ پراكتيكاسىن ءارى قاراي جالعاستىرماق.
بۇل جولى الماتىدا اۆتوبۋس جۇرگىزۋشىسىن ۇرىپ، ەسىنەن تاندىرعان ەر ادامعا قاتىستى سوت پروسەسى ونلاين كورسەتىلەدى، دەپ حابارلايدى Almaty-akshamy.kz.
سوت وتىرىسىن ونلاين وتكىزۋ شەشىمىنە قوعام قىزىعۋشىلىعى نەگىز بولعان.
«الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا (قماس) بۇزاقىلىق جاساپ، كولىكتى ءقاۋىپسىز پايدالانۋدى قامتاماسىز ەتۋ ەرەجەلەرىن بۇزىپ، ابايسىزدا ءۇش ادامنىڭ ولىمىنە اكەپ سوقتىرعانى ءۇشىن ايىپتالعان cوتتالۋشىعا قاتىستى قىلمىستىق ءىس بويىنشا كەزەكتى سوت وتىرىسى وتەدى (ق ر قك-نىڭ 293-بابىنىڭ 1-بولىگى، 351-بابىنىڭ 3-بولىگى)»، دەلىنگەن جوعارعى سوت حابارلاماسىندا.
سوت وتىرىسى الماتى قالالىق قماس-تا بۇگىن، 2024 جىلدىڭ 24 ساۋىرىندە ساعات 15.00-دە وتەدى.
سوت پروسەسىنىڭ ونلاين-ترانسلياسياسى جوعارعى سوتتىڭ YouTube-ارناسىندا كورسەتىلەدى. ترانسلياسيا سىلتەمەسى جوعارعى سوتتىڭ تەلەگرام ارناسىنا ورنالاستىرىلادى.
ەسكە سالايىق، وتكەن جىلدىڭ 22 جەلتوقسانىندا الماتىداعى رايىمبەك داڭعىلىندا اۆتوبۋس ءبىر توپ ادامدى قاعىپ كەتكەن ەدى. كەيىن پوليسيا وكىلدەرى جول-كولىك اپاتىنا اۆتوبۋس جولاۋشىسى كىنالى ەكەنىن انىقتادى. ول قوعامدىق كولىك تىزگىنىندە وتىرعان ايەلدى ۇرىپ، ەسىنەن تاندىرعان. اپات سالدارىنان اۆتوبۋس ايالدامادا تۇرعان ادامداردى قاعىپ، ءۇش ادام كوز جۇمدى