ەلدەگى سۋ رەسۋرستارىن پايدالانۋدى رەتتەيتىن زاڭناما حالىقارالىق قۇقىق پرينسيپتەرىنە سايكەستەندىرىلەدى

بۇل تۋرالى ق ر پرەمەر-مينيسترىنىڭ ورىنباسارى ەرالى توعجانوۆ ايتتى.

پارلامەنتتىك تىڭداۋدا سۋ رەرسۋرستارىن دامىتۋدىڭ كەلەشەگى تۋرالى بايانداما جاساعان ۆيسە-پرەمەر جاڭا سۋ كودەكسىندە قانداي نەگىزگى باعىتتار رەداكسياعا ۇشىرايتىنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«سۋ كودەكسىنىڭ جاڭا رەداكسياداعى نەگىزگى باعىتتارى: 

ءبىرىنشى. ەلدىڭ سۋ-رەسۋرستىق الەۋەتىن ساقتاۋ.

ەكىنشى. سۋ پايدالانۋشىلاردى سۋ ۇنەمدەۋ تەحنولوگيالارىن پايدالانۋعا ىنتالاندىراتىن تەتىكتەردى ايقىنداۋ.

ءۇشىنشى. مونيتورينگتى سيفرلاندىرۋ، قازاقستاننىڭ سۋ رەسۋرستارى الەۋەتىن ەسەپكە الۋ جانە بولجاۋ، سونداي-اق سۋ رەسۋرستارىن باسقارۋداعى عىلىمنىڭ ءرولىن ارتتىرۋ.

ءتورتىنشى. ۇلتتىق زاڭنامانى حالىقارالىق قۇقىق پرينسيپتەرىمەن ۇيلەستىرۋ»، - دەدى ەرالى توعجانوۆ.

ونىڭ سوزىنە قاراعاندا، جاڭا سۋ كودەكسىنىڭ جانە ىلەسپە زاڭ جوباسىنىڭ تۇجىرىمدامالارى ازىرلەنگەن. ەندى زاڭ جوبالارىنىڭ تاراۋلارى مەن باپتارى دايىندالىپ جاتىر.

«كودەكس جوباسى قىركۇيەكتە پرەزيدەنت اكىمشىلىگىنە، 2023 جىلدىڭ ءبىرىنشى جارتىجىلدىعىندا پارلامەنت ماجىلىسىنە ەنگىزىلەدى»، - دەدى ۇكىمەت باسشىسىنىڭ ورىنباسارى.

ءماجىلىس ءتوراعاسى ەرلان قوشانوۆتىڭ مالىمەتى بويىنشا، 2040 جىلعا قاراي قازاقستاندا سۋ تۇتىنۋ 46 پايىزعا ارتادى.