2040 جىلعا قاراي قازاقستاندا سۋ تۇتىنۋ 46 پايىزعا ارتادى.
ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ قازاقستان اۋماعىندا قانشا تەكشە شاقىرىم جەراستى سۋ قورى بار ەكەنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەل ىشىندە 17 مىڭنان استام وزەن، 4 مىڭ كول جانە جالپى اۋدانى 1 ملن شارشى شاقىرىم، كولەمى 187 تەكشە شاقىرىم بولاتىن 2،6 مىڭ مۇزدىق بار. بولجامدى قورى 58 تەكشە شاقىرىم بولاتىن 4،3 مىڭنان استام جەراستى سۋىنىڭ ورىندارى بار. سونىڭ ىشىندە 15،7 تەكشە شاقىرىمى پايدالانۋعا جارامدى دەپ بەكىتىلگەن»، - دەدى مينيستر ماجىلىستە ءوتىپ جاتقان پارلامەنتتىك تىڭداۋدا.
ونىڭ ايتۋىنشا، سۋ شارۋاشىلىعى كەشەنىنىڭ ينفراقۇرىلىمى دامىپ كەلەدى.
«شامامەن 6 مىڭ سۋ شارۋاشىلىق وبەكتىسى كولەمى 1 ملن تەكشە مەكتەردەن اساتىن 300-دەن استام سۋ قويماسى بار. كوپجىلدىق ورتاشا وزەن رەسۋرستارى جىلىنا 102،3 تەكشە شاقىرىم بولادى. ونىڭ 54،5 تەكشەشاقىرىمى - ىشكى اعىن بولسا، 47،8 تەكشە شاقىرىمى - ورتالىق ازيادان، رەسەيدە جانە قىتايدان كەلەدى. قازاقستان ترانسشەكارالىق اعىمدارعا تاۋەلدى. اسىرەسە، ءومىر ءسۇرۋ جاعدايى سۋمەن قامتىلۋعا تىكەلەي تاۋەلدى وڭتۇستىك جانە باتىس وڭىرلەردىڭ تاۋەلدىلىگى جوعارى»، - دەدى ۆەدومستۆو باسشىسى.