كيىكتەردىڭ ءمۇيىزىن پايدالانۋعا تىيىم سالۋدى الىپ تاستاۋ تۋرالى ماسەلە تالقىلانىپ جاتىر، دەپ حابارلايدى Almaty-akshamy.kz.
«كيىك مۇيىزدەرى فارماسيەۆتيكاداعى ءداستۇرلى كومپونەنت ءارى شىعىس ەلدەرىندەگى، نەگىزىنەن قىتايدا دارى-دارمەكتەردىڭ قۇرامداس بولىگى سانالادى. بۇگىندە كيىك مۇيىزدەرىن ەكسپورتتاۋعا مۇمكىندىگىمىز جوق. «سيتەس» سيرەك كەزدەسەتىن جانۋارلاردى قورعاۋ جونىندەگى حالىقارالىق ۇيىمى جەكەلەگەن جانۋارلاردى قولدانۋعا (ونىڭ ىشىندە كيىك تە بار) تىيىم سالدى»، - دەدى ەكولوگيا جانە تابيعي رەسۋرستار ءمينيسترى ەرلان نىسانبايەۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق مينيستر بۇگىندە جەنيەۆادا كيىكتەردىڭ ءمۇيىزىن پايدالانۋعا تىيىم سالۋدى الىپ تاستاۋ تۋرالى ماسەلە تالقىلانىپ جاتقانىن ايتتى.
«رۇقسات الۋ مەرزىمى 2025 جىلدىڭ باسى. بۇگىنگى تاڭدا كيىكتەردىڭ سانىن رەتتەۋدەن العان بارلىق ءمۇيىز تاڭبالانىپ، «وحوتزووپروم» مامانداندىرىلعان كاسىپورنىنىڭ ارنايى ءۇي-جايلارىندا ساقتالادى. ءقازىر كيىكتەردىڭ مۇيىزدەرىن ساتپايمىز، ءبىراق بولاشاقتا كيىكتەردىڭ مۇيىزدەرىن سىرتقى نارىققا ساتۋدى جوسپارلاپ وتىرمىز»، - دەيدى ول.