جول ساپاسىن تەكسەرۋ كەزىندە بىرنەشە كەمشىلىكتەر تابىلىپ، جول سالۋ بارىسىندا كەمشىلىكتەر جىبەرگەن مەردىگەر كومپانيالارعا ەسكەرتۋ جاسالعان.
جىل اياعىنا جاقىندادى. ءدال وسى ۋاقىتتا بارلىق مەكەمە جىل بويى جاساعان جۇمىستارىن قورىتىندىلاپ، ىستەلگەن ءىستى ويدان وتكىزەدى. «جول اكتيۆتەرىنىڭ ۇلتتىق ساپا ورتالىعى» رمك الماتى فيليالى دا وسى جىلدىڭ 10 ايىندا اتقارعان جۇمىسىن قورىتىندىلادى، دەپ حابارلايدى اlmaty-akshamy.kz.
جالپى، فيليال قىزمەتكەرلەرى جول ساپاسىن زەردەلەۋ ماقساتىندا بيىلعى جىلى جالپى 383 ساراپتاما جاساعان. اتاپ ايتار بولساق، الماتى قالاسىندا ۇزىندىعى 200 شاقىرىم بولاتىن 230 كوشەنى ورتاشا جوندەۋمەن قامتۋ جوسپارلانعان. ونىڭ ىشىندە 215 كوشە اۋداندىق ماڭىزى بار كوشەلەر بولىپ تابىلادى. نەگىزىنەن فيليال قىزمەتكەرلەرى قالانىڭ شەت ايماقتارىنداعى العاباس، تەرەكتى، توميريس، قاراسۋ، اقبۇلاق، زەردەلى، شاپاعات، شۇعىلا، تاۋسامالى، قالقامان، راحات، جاس قانات سەكىلدى شاعىن اۋداندارىندا جۇرگىزىلگەن جولداردىڭ ساپاسىنا ەرەكشە كوڭىل ءبولىپتى.
ورتاشا جوندەۋ نىساندارىنا 190 ساراپتاما جۇرگىزىلىپ، 913 سىناما الىندى. سولاردىڭ ىشىندە 298 سىناما نتق-عا (نورماتيۆتىك تەحنيكالىق قۇجاتتاما) سايكەس كەلمەيدى. جۇمىس بارىسىندا نىسانداردان 57 اقاۋ مەن كەمشىلىك انىقتالدى. بەلگىلى بولعان اقاۋلاردىڭ 38ء-ى جويىلۋ بارىسىندا.
قالاداعى 14 نىسان قۇرىلىس جۇمىستارىمەن قامتىلعان. بۇل نىساندارعا 34 ساراپتاما جاسالىپ، 92 سىناما الىندى. ولاردىڭ ىشىندە 38 سىناما نتق سايكەس كەلمەيدى. 23 اقاۋ مەن كەمشىلىك انىقتالدى (17 اقاۋ جويىلۋ ۇستىندە)،- دەپ جازىلعان اتالعان مەكەمەنىڭ حابارلاماسىندا.
«جول اكتيۆتەرىنىڭ ۇلتتىق ساپا ورتالىعى» رمك الماتى فيليالى باسپا ءسوز قىزمەتىنىڭ حابارلاماسىنا سايكەس، «العاباس شاعىن اۋدانىنداعى جولداردىڭ قۇرىلىسى» نىسانى بويىنشا 17 قازان كۇنى 4 اقاۋ تابىلىپ، ەشقايسىسى جويىلماعان. 19 قازان كۇنى اسفالتوبەتون جابىنىنان 3 كەرن الىنىپ 1 كەرن نورماتيۆتىك قۇجاتتاماعا سايكەس كەلمەيتىنى انىقتالعان.
ايتۋ كەرەك، «جول اكتيۆتەرىنىڭ ۇلتتىق ساپا ورتالىعى» رمك الماتى فيليالى الماتى قالاسىنا قاراستى اۋدان اكىمشىلىكتەرىمەن ساپانى جاقسارتۋ ماقساتىندا كەلىسىمشارتقا قول قويعان بولاتىن. بۇل كەلىسىمشارتقا تەك المالى اۋدانىنىڭ اكىمشىلىگى قالىس قالعان ەدى. دەمەك، فيليالدىڭ قىزمەتكەرلەرى كەلىسىمشارتقا سايكەس، قالانىڭ 7 اۋدانىندا 136 ساراپتاما جاساپ، 173 سىناما العان. ونىڭ ىشىندە 55 سىناما نتق سايكەس كەلمەيتىنىن انىقتاسا، 28 اقاۋ مەن كەمشىلىكتەردى قالپىنا كەلتىرۋ جۇمىستارى جۇرگىزىلىپ جاتىر.