ەلدەگى كەيبىر جوو-نىڭ دارەجەسى وزگەرەدى

جەزقازعان قالاسىندا جاڭا تەحنيكالىق ۋنيۆەرسيتەت اشىلادى.

بۇل تۋرالى ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«مينيسترلىك زاماناۋي كامپۋستارى بار سالالىق ۋنيۆەرسيتەتتەردى قۇرۋ بويىنشا جۇمىستار ەسكەرىلگەن. ق.ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ 2023-2027 جىلدارعا ارنالعان دامۋ باعدارلاماسى بەكىتىلدى، ونىڭ اياسىندا ينجەنەرلىك ءبىلىم مەن عىلىمدا جاڭا تەحنولوگيالاردىڭ عىلىمي-زەرتتەۋ حابىن قۇرۋ كوزدەلگەن. الماتى وبلىسىنىڭ اكىمدىگىمەن بىرلەسىپ، قونايەۆ قالاسىندا يننوۆاسيالىق ورتالىقپەن جاڭا زاماناۋي ۋنيۆەرسيتەتى بار اكادەميالىق قالاشىق قۇرۋ جۇمىستار اتقارىلىپ جاتىر»، - دەدى س. نۇربەك.

ونىڭ ايتۋىنشا، جەزقازعان قالاسىندا تەحنيكالىق ۋنيۆەرسيتەتتى اشۋ بويىنشا جۇمىستار ەسكەرىلگەن. بۇل تۇرعىدا نەگىزگى ستراتەگيالىق ارىپتەس رەتىندە كانادالىق جوعارى وقۋ ورىندارى بولادى. قازىرگى كەزدە 15 كانادالىق ۋنيۆەرسيتەتپەن كەلىسسوز ءجۇرىپ جاتىر.

«زەرتتەۋ ەكوجۇيەسىن قالىپتاستىرۋ جانە جوعارى وقۋ ورىندارىنىڭ سەرپىندى تەحنولوگيالارىن دامىتۋ ماقساتىندا بيىل م. اۋەزوۆ اتىنداعى وڭتۇستىك قازاقستان ۋنيۆەرسيتەتىنە زەرتتەۋ ۋنيۆەرسيتەتى مارتەبەسى، ال س. وتەبايەۆ اتىنداعى اتىراۋ مۇناي جانە گاز ۋنيۆەرسيتەتىنە يندۋستريالدى وقۋ ورنى مارتەبەسى بەرىلەدى»، - دەدى مينيستر.