الماتى حايۋاناتتار باعىندا ەلىك دۇنيەگە كەلدى. بايشەشەك ەسىمدى ءتولدىڭ بەينەتاسپاسى الەۋمەتتىك جەلىلەردە جاريالانعان، دەپ حابارلايدى Almaty-akshamy.kz.
ب ا ق قىزمەتكەرلەرى ءتولدىڭ جاعدايى جاقسى ەكەنىن اتاپ ءوتتى. بەينەتاسپانىڭ استىنداعى سيپاتتامادا ەلىك 28 ماۋسىمدا اكەسى كرۋگلياشوك پەن اناسى رايحاننان تۋعانى ايتىلعان. ب ا ق قىزمەتكەرلەرى جاس ەلىككە بايشەشەك دەپ ات قويعان.
"بۇل ەرەكشە سۇيكىمدى جانۋار كىمدى ەستەرىڭىزگە تۇسىرەدى؟ ارينە، بارشاڭىزدىڭ ەسىڭىزگە بالالارعا ارنالعان مۋلتفيلمنەن تانىس ەلىكتىڭ لاعى – بەمبيدى ەسكە تۇسىرگەن شىعار. ازىرشە بايشەشەك ەنەسىنىڭ ءسۇتىن ەمەدى. ازداپ ءشوپتىڭ، جەمىس پەن جارمانىڭ ءدامىن تاتا باستادى. كىشكەنتاي بايشەشەكتى زەبرالار ۆولەرىنىڭ وڭ جاعىنداعى ۇلكەن قورشاۋدا تۇراتىن ەلىكتەر وتباسىنان كورە الاسىزدار. بايشەشەك وندا ءوزىنىڭ ۇلكەن-كىشى تۋىستارىمەن بىرگە جۇرەدى. كىشكەنتاي ەلىكتىڭ لاعىن كورۋگە زووباققا كەلىڭىزدەر!" - دەپ جازدى الماتى حايۋاناتتار باعىنىڭ قىزمەتكەرلەرى Instagram-داعى پاراقشاسىندا.
https://www.instagram.com/reel/CvrE6ahIQRG/؟igshid=MzRlODBiNWFlZA==