Kaspi.kz ءىىم كوشى-قون قىزمەتى كوميتەتىمەن، ادىلەت مينيسترلىگىمەن جانە سدياوم-مەن بىرلەسىپ، جاڭا قىزمەتتى ىسكە قوستى.
ەندى ءموبيلدى قوسىمشادا تۇرعىلىقتى جەرى بويىنشا ۋاقىتشا نەمەسە تۇراقتى تىركەۋدى راسىمدەۋگە بولادى، دەپ حابارلايدى Almaty-akshamy.kz.
Polisia.kz اقپاراتى بويىنشا، بۇل قىزمەت ارقىلى ءۇي يەسى ءوزىن جانە وتباسى مۇشەلەرىن (14 جاستان اسقان بالالار)، سونداي-اق بىرگە تۇراتىن باسقا دا ادامداردى ءوز پاتەرىندە تىركەي الادى. سونىمەن قاتار مەنشىك يەسى ءوز ۇيىنەن بىرگە تۇرمايتىن ادامداردى ءوز بەتىنشە تىركەۋدەن شىعارا الادى. ەگەر ءسىز ءۇيدىڭ يەسى بولماساڭىز جانە بىرەۋگە تىركەلگىڭىز كەلسە، وندا سەرۆيستىڭ ءوزى ءۇي يەسىنىڭ كەلىسىمىن سۇرايدى.
«ءبىز Kaspi.kz-تە جاڭا قىزمەتتەردى ىسكە قوسۋدى جالعاستىرىپ جاتىرمىز. ءسىز مەملەكەتتىك مەكەمەلەردەن انىقتاما الا الاسىز، بالالارعا ارنالعان جاردەماقىلاردى راسىمدەي الاسىز، تۇرعىلىقتى جەرىڭىز بويىنشا تىركەلە الاسىز جانە باسقا دا كوپتەگەن ماسەلەلەردى تەز شەشە الاسىز. ءبىز ءىىم، ادىلەت جانە سيفرلاندىرۋ مينيسترلىكتەرىنە، سونداي-اق باسقا دا مەملەكەتتىك ورگاندارعا مەملەكەتتىك قىزمەتتەردى قازاقستاندىقتار ءۇشىن ودان دا ىڭعايلى جانە قولجەتىمدى ەتۋ مۇمكىندىگىنە العىس ايتامىز»، – دەدى Kaspi.kz باسشىسى جانە قۇرىلتايشىسى ميحايل لومتادزە.
ءىىم مەملەكەت باسشىسىنىڭ تاپسىرماسى بويىنشا پوليسيا قىزمەتىن سيفرلاندىرۋ جۇمىسىن جالعاستىرۋدا.
«ءموبيلدى قوسىمشالار قاراپايىم جانە تۇسىنىكتى، ال ولاردى پايدالانۋ كورسەتىلەتىن قىزمەتتى الۋشى مەن قىزمەتكەردىڭ تىكەلەي بايلانىسىن بولدىرمايدى. سوندىقتان ءىىم حالىققا كورسەتىلەتىن مەملەكەتتىك قىزمەتتەردى سمارتفوندارعا شىعارۋعا ەرەكشە نازار اۋدارادى. ەڭ كوپ سۇرانىسقا يە مەملەكەتتىك قىزمەتتەر ونلاين رەجيمدە قولجەتىمدى. ەندى ازاماتتار حقكو مەن پوليسياعا بارىپ، كەزەكتە تۇرىپ، ۋاقىت جوعالتپايدى»، – دەپ اتاپ ءوتتى ق ر ءىىم كوشى-قون قىزمەتى كوميتەتىنىڭ ءتوراعاسى اسلان اتالىقوۆ.
«ەكىنشى دەڭگەيلى بانكتەردىڭ ءموبيلدى قوسىمشالارىندا قىزمەتتەردىڭ تانىمالدىعى جىل سايىن ارتىپ كەلەدى. مىسالى، وتكەن جىلى سىرتقى پلاتفورمالار ارقىلى ميلليوننان استام قىزمەت كورسەتىلدى»، – دەپ حابارلادى ءسدياوم.
تىركەۋ كەزىندە جسن ەنگىزۋ جەتكىلىكتى، ال ءاتى-جونى مەن مەكەنجايى اۆتوماتتى تۇردە پايدا بولادى. قىزمەتتى پايدالانۋ ءقاۋىپسىز. تىركەلۋ كەزىندە فوتو سايكەستەندىرۋدەن ءوتۋ كەرەك. بۇل سىزدەن باسقا ەشكىم ءسىزدىڭ اتىڭىزدان اتالمىش قىزمەتتى پايدالانا المايتىندىعىنا كەپىلدىك بەرەدى.