2023 جىلدىڭ اقپان ايىندا زەرگەرلىك بۇيىمدار مەن ساعاتتاردىڭ باعاسى ءبىر جىلدا 33،2% ءوستى.
ءبىر جىل بۇرىن ءوسىم نەبارى 6،2% بولعان ەدى.
زەرگەرلىك بۇيىمدار ءوندىرىسى جىلىنا 1،4 ملرد تەڭگەگە تەڭ بولدى. بۇل 2021 جىلدىڭ قاڭتار-جەلتوقسانىمەن سالىستىرعاندا، قۇندىق ماندە 4،4% ارتىق، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
ۇلتتىق ستاتيستيكا بيۋروسىنىڭ دەرەگىنە ساي، ءبىر جىل بۇرىن ساقينا باعاسى 5،7% عانا وسكەن ەدى.
باعانىڭ ايتارلىقتاي ءوسۋى سولتۇستىك قازاقستان وبلىسىندا بايقالدى: بىردەن 71،6% وسكەن. جەتىسۋ (61،7%) جانە الماتى (60،1%) وبلىستارى دا الدىڭعى قاتاردا.
التىن نەكە ساقينالارى الماتى، استانا، شىعىس قازاقستان جانە اقمولا وبلىستارىندا 1،5 ەسەگە جۋىق قىمباتتاعان. مۇنداي ساقينالاردىڭ قۇنى اقتوبە (3،7%-عا)، اتىراۋ (6،9%-عا) جانە باتىس قازاقستان (10،7%-عا) وبلىستارىندا ەڭ از وسكەن.