الماتىدا كاسىبي شەبەرلىك چەمپيوناتى باستالدى
الماتىدا قالا كوللەدجدەرىنىڭ 21 الاڭىندا WorldSkills Almaty – 2023 وڭىرلىك كاسىبي شەبەرلىك چەمپيوناتى باستالدى جانە 2023 جىلدىڭ 14 ساۋىرىنە دەيىن جالعاسادى. ءىس-شارا «ساپالى ءبىلىم بەرۋ «ءبىلىمدى ۇلت» ۇلتتىق جوباسىن ىسكە اسىرۋ اياسىندا «WorldSkills International» قۇزىرەتى بويىنشا «WorldSkills Kazakhstan» ۇلتتىق قوزعالىسىن قولداۋ جانە جۇمىس كاسىپتەرىن تانىتۋ ماقساتىندا وتكىزىلەدى.، - دەپ حابارلايدى almaty-akshamy.kz
چەمپيوناتتىڭ ماقساتى-جۇمىسشى ماماندىعىنىڭ بەدەلىن ارتتىرۋ جانە شەبەرلىك داعدىلارىن دامىتۋ. چەمپيوناتقا 53 قۇزىرەتتىلىك بويىنشا 380-دەن استام كوللەدج ستۋدەنتتەرى قاتىسادى. ولاردىڭ ىشىندە: گرافيكالىق ديزاين، كىرپىش قالاۋ، قۇرعاق قۇرىلىس جانە سىلاق جۇمىستارى، سانتەحنيكا جانە جىلىتۋ، كەسكىندەمە جانە ساندىك جۇمىستار، بيزنەسكە ارنالعان IT-شەشىمدەر، CNC ستانوكتارىندا توكارلىق جۇمىستار، CAD ينجەنەرلىك گرافيكاسى، پروتوتيپتەۋ، سونىمەن قاتار توڭازىتقىش جانە جەلدەتۋ تەحنيكاسىنا قىزمەت كورسەتۋ، جەڭىل اۆتوموبيلدەردى جوندەۋ جانە قىزمەت كورسەتۋ جانە ت. ب.
چەمپيوناتتىڭ ءبىر ەرەكشەلىگى – DeafSkills جانە ابيليمپيكس بويىنشا ەرەكشە ءبىلىم بەرۋ قاجەتتىلىكتەرى بار بالالاردى قولداۋ. DeafSkills جانە ابيليمپيكس قۇزىرەتتەرى بويىنشا چەمپيونات اياسىندا 6 قۇزىرەت بويىنشا 25-تەن استام ادام قاتىسادى.
500-دەن استام تاجىريبەلى وندىرىستىك وقىتۋ شەبەرلەرى، ارنايى پاندەر وقىتۋشىلارى مەن جۇمىس بەرۋشىلەر ساراپشىلار رەتىندە قاتىسادى.
وڭىرلىك چەمپيوناتتىڭ جەڭىمپازدارى اعىمداعى جىلدىڭ ماۋسىم ايىندا وتەتىن WorldSkills Kazakhstan — 2023 رەسپۋبليكالىق كاسىبي شەبەرلىك چەمپيوناتىنا قاتىسادى. حالىقارالىق چەمپيونات 2023 جىلدىڭ قىركۇيەگىندە پولشادا وتەدى.
ۇيىمداستىرۋشىلار: الماتى قالاسىنىڭ ءبىلىم باسقارماسى جانە «WorldSkills Almaty» ۇيىمداستىرۋ كوميتەتى
