قوردىڭ ينۆەستيسيالىق تابىسى 142 ملن دوللاردى قۇرادى.
ۇلتتىق بانكتىڭ الدىن الا مالىمەتتەرىنە قاراعاندا، مامىر ايىنىڭ قورىتىندىسى بويىنشا ۇلتتىق قوردىڭ ۆاليۋتالىق اكتيۆتەرىنىڭ كولەمى 53،8 ملرد دوللاردى قۇراپ، وتكەن ايدا 1،3 ملرد دوللارعا ارتتى، دەپ حابارلايدى Almaty-akshamy.kz Egemen.kz سىلتەمە جاساپ.
«وتكەن ايدا ۇلتتىق قوردان رەسپۋبليكالىق بيۋدجەتكە ۇلتتىق قوردىڭ تەڭگەلىك شوتىنداعى قالدىقتار جانە قورعا تەڭگەلىك تۇسىمدەر ەسەبىنەن ترانسفەرتتەر تۇرىندە 370 ملرد تەڭگە ءبولىندى. مۇناي باعاسى مەن سالىق اپتاسىنىڭ جوعارى بولۋىنا بايلانىستى قورعا تۇسەتىن ۆاليۋتالىق تۇسىمدەر مامىر ايىندا 1،15 ملرد دوللاردى قۇرادى»، - دەدى ۇلتتىق بانك ءتوراعاسىنىڭ ورىنباسارى ءاليا مولدابەكوۆا.
ونىڭ ايتۋىنشا، وتكەن ايدىڭ قورىتىندىسى بويىنشا ۇلتتىق قوردىڭ ينۆەستيسيالىق تابىسى وڭ قالىپتاسىپ، 142 ملن دوللاردى قۇرادى.
بۇل رەتتە ۇلتتىق قوردىڭ ۇزاق مەرزىمدى كىرىستىلىگى قۇرىلعاننان باستاپ جىلدىق ماندە 3،24%-دى، سوڭعى 5 جىلدا 2،30%-دى قۇرايدى.