الماتىلىق وقۋشى شقو-داعى دوسىنا كەتىپ قالعان
اناسىمەن رەنجىسىپ قالعان الماتىلىق وقۋشى شقو-داعى دوسىنا كەتىپ قالعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
وسكەمەن قالاسىنىڭ پب-عا 24 قاراشا كۇنى ساعات 09.20-دا الماتى قالاسىنىڭ 15 جاستاعى تۇرعىنى جەتكىزىلگەن. تەكسەرۋ بارىسىندا 15 جاستاعى ءجاسوسپىرىم اناسىمەن ۇرىسىپ، 22 قاراشادا دوسىنا كەتۋگە شەشىم قابىلداعانى انىقتالدى.
ول دوسىمەن كەزىندە كاتونقاراعاي اۋدانىنداعى ءبىر اۋىلدا تۇرعانى انىقتالدى. ءجاسوسپىرىم دوسىمەن تەلەفون ارقىلى حابارلاسىپ، شقو-دا وعان كەلەتىنىن ايتىپ ەسكەرتىپ قويعان. الماتىداعى ءىرى ساۋدا ورتالىقتارىنىڭ بىرىنە كەلگەننەن كەيىن ءجاسوسپىرىم قۇنى 180 مىڭ تەڭگە تۇراتىن قىمبات سمارتفونىن ساتىپ، سودان كەيىن قالالىق اۆتوۆوكزالدا 15 مىڭ تەڭگەگە شقو وسكەمەن قالاسىنا دەيىن جەتۋگە تاكسيستپەن كەلىسىپ، جولعا شىققان.
ۇلان اۋدانىنىڭ ساراتوۆكا اۋىلىنا كىرە بەرىستە شقو پد بپپ قىزمەت ينسپەكتورلارى تاكسيدى توقتاتىپ، تەكسەرۋ كەزىندە جولاۋشىلاردىڭ ءبىرى ءىز-تۇزسىز جوعالعان ادام رەتىندە باعدار بويىنشا ءوتىپ جاتقانىن انىقتاعان. سودان كەيىن كامەلەتكە تولماعان وسكەمەن ق. پب ەرتىس پب كامەلەتكە تولماعاندار ءىسى جونىندەگى ينسپەكتورى ر. مازبايەۆقا تاپسىرىلىپ، پوليسيا بولىمىنە جەتكىزىلىپ، ونى ۇيىنە قايتارۋ بويىنشا شارالار قابىلداندى.
قازىرگى ۋاقىتتا 15 جاستاعى ءجاسوسپىرىمنىڭ اتا-اناسى باسقا قالادا تۇراتىندىقتان، ول وسكەمەن قالاسىنىڭ كامەلەتكە تولماعانداردى بەيىمدەۋ ورتالىعىنا ورنالاستىرىلدى، الداعى ۋاقىتتا راستايتىن قۇجاتتاردى ۇسىنعاننان سوڭ زاڭدى وكىلدەرىنە تاپسىرىلاتىن بولادى.