ماعان جۇقپايدى دەگەن ويمەن قاپى قالعاننان گورى، «ساقتانساڭ، ساقتايمىن» دەگەندى باسشىلىققا العان ءجون.
مۇنداي كەڭەستى Sputnik راديوسىنا بەرگەن سۇحباتىندا مەديسينا عىلىمدارىنىڭ كانديداتى، جالپى تاجىريبەلىك دارىگەر الەكسەي حۋحريەۆ ايتتى، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
COVID-19 جۇقتىرعان اداممەن بايلانىستا بولعان كەزدە ساقتىق شاراسى رەتىندە س جانە D دارۋمەندەرىن قابىلداپ، مۇرىندى شايىڭىز. مۇنداي كەڭەستى Sputnik راديوسىنا بەرگەن سۇحباتىندا مەديسينا عىلىمدارىنىڭ كانديداتى، جالپى تاجىريبەلىك دارىگەر الەكسەي حۋحريەۆ ايتتى.
ونىڭ پايىمداۋىنشا، جۇقتىرۋ ءقاۋپىن ەلەمەۋدەن گورى سۇقباتتاسۋشىدا COVID-19 بار دەپ ويلاپ، سوعان سايكەس ارەكەت ەتكەن دۇرىس.
«كەيبىر دارىگەرلەر ينتەرفەرون الفانى مۇرىنعا تامىزۋعا بولاتىنىن ايتادى جانە بۇل اۋرۋ اداممەن بايلانىستا بولعاننان كەيىن كوروناۆيرۋستىق ينفەكسيانىڭ دامۋ ىقتيمالدىعىن ازايتادى. مۇمكىن بۇل كومەكتەسەتىن شىعار، ءبىراق بۇل بولجامدى راستايتىن ناقتى دەرەكتەر ءالى جوق. كەز كەلگەن جاعدايدا س دارۋمەنى مەن D دارۋمەنىن ءىشۋدىڭ زيانى جوق دەپ ويلايمىن. مۇرىندى شايۋعا دا بولادى»، - دەدى حۋحريەۆ.
دارىگەردىڭ ايتۋىنشا، بولجالدى كوروناۆيرۋس تاسىمالداۋشىسىمەن بايلانىستا بولعاننان كەيىن 7-10 كۇن ىشىندە ءسىز ءوز دەنساۋلىعىڭىزدى مۇقيات باقىلاۋىڭىز كەرەك. ەگەر سىزدە ينفەكسيا بەلگىلەرى بولسا، دارىگەرمەن كەڭەسۋ كەرەك. سونىمەن قاتار، ەگەر كوروناۆيرۋستىڭ "وميكروندىق" شتامى بار ناۋقاسپەن كونتاكت بولعان بولسا، ونىڭ ينكۋباسيالىق كەزەڭى باسقا نۇسقالارعا قاراعاندا قىسقا بولعاندىقتان، سيمپتومداردىڭ پايدا بولۋى دا تەز.
«ەگەر ءسىز "وميكروندى" جۇقتىرعان اداممەن بايلانىستا بولساڭىز، وندا بەلگىلەر بىر-ەكى كۇندە پايدا بولۋى مۇمكىن نەمەسە بولماۋى مۇمكىن، ءبىراق ءبىز ازىرگە ءبىزدىڭ ەلدە "وميكروننىڭ" قانشالىقتى تارالعانىن ناقتى بىلە المايمىز»، - دەدى ول.
دارىگەر ۆاكسينالاۋ ارقىلى COVID-19 ىندەتىن جۇقتىرۋ ءقاۋپىن ازايتۋعا بولاتىنىن اتاپ ءوتتى. حۋحريەۆتىڭ ايتۋىنشا، ۆاكسينالاۋ اۋرۋدان ءجۇز پايىز قورعاي الماسا دا، اۋرۋدىڭ اۋىر اعىمىن بولدىرماۋعا كومەكتەسەدى.
بۇعان دەيىن چەحيانىڭ حالىق ءانشىسى حانا حوركا ەكپە الماعاندارعا شەكتەۋ قويماس ءۇشىن ادەيى كوروناۆيرۋس ينفەكسياسىن جۇقتىرعانى جانە قايتىس بولعانى بەلگىلى بولعان. ولىمىنەن بىرنەشە كۇن بۇرىن حوركا ءوزىنىڭ ساۋىعىپ جاتقانىن حابارلادى، ال قايتىس بولعان كۇنى دەنساۋلىعىنىڭ جاقسارعانىن جازدى. كەيىن ونىڭ ارقاسى اۋىردى. ءانشى توسەككە جاتۋعا بەل بۋىپ، ون مينۋتتان كەيىن تۇنشىعىپ ءولدى.