استانادا اشىلعان كوۆەنتري ۋنيۆەرسيتەتىنىڭ كامپۋسى بيىل 400 ستۋدەنت قابىلداۋعا دايىن.
ەندى تالاپكەرلەر ەلدەن شىقپاي-اق شەتەلدىك جوعارى وقۋ ورنىندا ءبىلىم الا الادى، دەپ حابارلايدى Almaty-akshamy.kz
ۋنيۆەرسيتەت بيىل 400 جاستى قابىلداۋعا دايىن. مۇنداعى باستى تالاپ – اعىلشىن ءتىلىن جەتىك بىلسە بولعانى. وقۋعا تۇسۋگە تالاپتانعان ستۋدەنتتەرگە بيزنەس، ينفورماتيكا جانە پەداگوگيكا پاندەرى وقىتىلادى.
ستۋدەنتتەرگە ءتالىم بەرەتىن وقىتۋشىلار حالىقارالىق دەڭگەيدەگى بىلىكتى ماماندار.
"كوۆەنتري ۋنيۆەرسيتەتى استانادا كامپۋس اشادى، ويتكەنى ءقازىر قازاقستان مەن ورتالىق ازيادا ساپالى جوعارى بىلىمگە سۇرانىس بار. بۇل ۇكىمەتتىڭ ءبىلىم بەرۋ جۇيەسىن جاڭعىرتۋ، يننوۆاسيالىق تەحنولوگيالار مەن زەرتتەۋلەردى ىلگەرىلەتۋ جانە ازاماتتاردى جاھاندانۋ الەمىندەگى ومىرگە دايىنداۋ ماقساتىنا سايكەس كەلەدى"، - دەيدى قازاقستانداعى "كوۆەنتري" ۋنيۆەرسيتەتىنىڭ دامۋ جانە پايدالانۋ ءبولىمىنىڭ ديرەكتورى تايرا ناۆاز.