بىلتىر مەكتەپكە دەيىنگى ءبىلىم بەرۋ مەكەمەلەرىنىڭ تابىسى 822،9 ملرد تگ، جوعارى ءبىلىم بەرۋ مەكەمەلەرىنىڭ تابىسى 804،4 ملرد تگ قۇرادى.
ق ر سجرا ۇسب دەرەكتەرىنە سۇيەنسەك، ءبىرىنشىسىنىڭ كورسەتكىشى كەم دەگەندە سوڭعى ونجىلدىقتا العاش رەت ەكىنشىسىنەن اسىپ ءتۇستى، دەپ حابارلايدى Almaty-akshamy.kz
ءدال ون جىل بۇرىن، 2013 جىلى، جوعارى وقۋ ورىندارىنىڭ كىرىستەرى بالاباقشالاردان ەكى ەسەدەن استام بولعان ەدى. 2022 جىلعا قاراي جوعارى ءبىلىم بەرۋ سەكتورى مەكتەپكە دەيىنگى ءبىلىم بەرۋدى نەبارى 19%-عا اسىپ ءتۇستى، ال 2023 جىلى سابيلەرگە ارنالعان ۇيىمداردىڭ تابىسى كۇرت ءوسىپ (+41%)، ايىرماشىلىق جويىلدى.
اسىرەسە، جەرگىلىكتى بيۋدجەتتەن مەكتەپكە دەيىنگى مەكەمەلەر العان ترانسفەرتتەر كولەمى ءبىر جىل ىشىندە قاتتى ءوستى: 332 ملرد تەڭگەدەن 592 ملرد تەڭگەگە دەيىن.
بۇل رەتتە ۇسب-دا بالالارعا ارنالعان ءبىلىم بەرۋ ۇيىمدارىنىڭ سانى قالاي وزگەرگەنى تۋرالى دەرەكتەر جوق. ءبىراق ۋنيۆەرسيتەتتەر ازايا ءتۇستى: 2022 جىلدىڭ كۇزىندە، وقۋ جىلىنىڭ باسىندا، 116 مەكەمە بولسا، 2023 جىلدىڭ كۇزىندە 112 بولعانىن ايتىپ وتىرمىز.