سىرقاتتىپ جاتقان ادامداردىڭ باسىم بولىگى - مۇلدەم ۆاكسينا الماعاندار.
ەمحانادا ەكپە الۋعا كەزەكتە تۇرعاندار كوپ ەمەس. ءبىراق كۇن سايىن بەلگىلى ءبىر ساناتتاعى ازاماتتار كەلىپ، كوۆيدكە قارسى ۆاكسينالاۋدان وتەدى دەيدى ماماندار، دەپ حابارلايدى Almaty-akshamy.kz «حابار 24» cايتىنا سىلتەمە جاساپ.
«كەيبىر كىسىلەر تەك قانا قازاقستاندىق ۆاكسينانى سالعىسى كەلەدى. ولارعا "كاز-ۆاك" سالامىز. ەگەر شەتەلگە شىعاتىن بولسا، "سينوفارم" كومپانياسى مەن "فايزەردى" سالامىز»، - دەيدى قالالىق №9 ەمحانانىڭ جالپى تاجىريبەلىك دارىگەرى نۇرالەم ساراپبەكوۆ.
ورتا جانە 50 جاستان اسقان ادامدار ەكپە الۋعا ءجيى كەلەدى دەيدى دارىگەر. سونداي-اق سوزىلمالى اۋرۋلارى بار جانە شەتەلگە باراتىن ادامدار ۆاكسينا الۋعا اسىعادى. جالپى، كوروناۆيرۋس قارقىنى جازدا باياۋلادى. ءبىراق ءقازىر اۋىرعانداردىڭ سانى تاعى كوبەيگەن.
«قازىرگى تاڭدا استانا قالاسىندا ەپيدەميولوگيالىق جاعداي سوڭعى ەكى اپتادا تۇراقسىز دەپ ايتۋعا بولادى. ءبىزدىڭ قالادا سوڭعى اپتادا 458 جاعداي تىركەلدى»، - دەيدى قالالىق سانەپيدباقىلاۋ دەپارتامەنتى باسشىسىنىڭ ورىنباسارى جاننا پىرالييەۆا.
قاراشا ايىنىڭ العاشقى اپتاسىمەن سالىستىرعاندا، ۆيرۋس جۇقتىرعاندار بەس ەسە كوپ. بۇل جاڭا شتامنىڭ ىقپالى ما الدە قازىرگى جاعداي بۇرىن سالىنعان ۆاكسينانىڭ اسەرى ازايعاندىعىن بىلدىرە مە؟
«قازىرگى كەزدە سىرقاتتانىپ جاتقان ادامداردىڭ باسىم بولىگى - 80 پايىزدان استامى - مۇلدەم ۆاكسينا الماعاندار. نە بولماسا، سوڭعى ەكپەنى العاننان كەيىن 6 ايدان استام ۋاقىت وتكەن ادامدار ناۋقاستانىپ جاتىر»، - دەيدى ۆاكسينامەن باسقارىلاتىن ينفەكسيالاردى باقىلاۋ باسقارماسىنىڭ باسشىسى نۇرشاي ازىمبايەۆا.
سونداي-اق مولەكۋليارلىق-گەنەتيكالىق زەرتتەۋلەر استانادا اۋىرعانداردىڭ كوبىنەن "سەربەر" شتامىن انىقتاعان. ال 79 پايىزىندا "وميركون" شتامى ەكەنى بەلگىلى بولدى.
"سەربەردىڭ" ءوزى دە "وميكروننىڭ" ءبىر ءتۇرى بولىپ تابىلادى. ەندى "سەربەرگە" كەلسەك، ول ادامعا وتە تەز جۇعادى. ءبىراق ول اسا اۋىر تۇردە وتپەيدى. ول دا باسقا رەسپيراتورلى ۆيرۋس سياقتى، قىزۋ كوتەرىلەدى، دەنەسى اۋىرادى، باس اۋىرادى. سول سياقتى باستالادى. سول ءۇشىن ءبىز ۆاكسينا الماعان ادامداردى تەزىرەك ەكپە الۋعا شاقىرامىز»، - دەيدى قالالىق سانەپيدباقىلاۋ دەپارتامەنتى باسشىسىنىڭ ورىنباسارى جاننا پىرالييەۆا.
ماماندار ۆاكسينا العان ادامداردىڭ كوروناۆيرۋسپەن جەڭىل تۇردە اۋىراتىنىن اتاپ ءوتتى. سونداي-اق ريەۆاكسينالاۋدان ۋاقىتىندا ءوتۋدى ەسكە سالدى. ويتكەنى كوۆيد شتامدارى وزگەرىپ وتىرادى. ال ونىمەن اۋىرىپ تۇرعاننىڭ وزىندە، اعزاداعى انتيدەنەلەر جارتى جىلدا ازايىپ كەتەدى. قازاقستان بويىنشا كوۆيدكە قارسى ەكپە سالاتىن 2 مىڭ پۋنكت جۇمىس ىستەپ تۇر.