ەلدە كەيبىر پويىزداردىڭ ءنومىرى مەن قاتىناۋ باعىتى وزگەردى

بۇل وزگەرىستەر قىركۇيەك ايىنان باستالادى. 

ەلدە بىرنەشە پويىزدىڭ ءنومىرى مەن قاتىناۋ باعىتى وزگەردى، دەپ حابارلايدى Almaty-akshamy.kz Elorda.info سايتىنا سىلتەمە جاساپ. 

نۇر-سۇلتان - شىمكەنت باعىتى بويىنشا: 

- 1 قىركۇيەكتەن باستاپ الەۋمەتتىك ماڭىزى بار كۇندەلىكتى №86/85 نۇر-سۇلتان نۇرلى جول – شىمكەنت پويىزى؛ 

-  1 قىركۇيەكتەن باستاپ ستاندارتتى ۆاگوندارمەن جاساقتالعان №71/72 نۇر-سۇلتان-1 – شىمكەنت كۇندەلىكتى قاتىنايتىن كوممەرسيالىق پويىزى تاعايىندالادى. 

سونىمەن قاتار 5 قىركۇيەكتەن باستاپ №71/72 پويىزدىڭ نۇر-سۇلتان نۇرلى جول – شىمكەنت باعىتىنداعى قاتىناسى وزگەرەدى. 

اتىراۋ - الماتى باعىتى بويىنشا: 

- 1 قىركۇيەكتەن باستاپ ستاندارتتى ۆاگونداردان كۇن سايىن قاتىناۋ كەزەڭدىلىگىمەن №29/30 اتىراۋ - الماتى-2 كوممەرسيالىق پويىزى؛ 

- 3 قىركۇيەكتەن باستاپ الەۋمەتتىك ماڭىزى بار №41/42 الماتى-2 - اتىراۋ پويىزى كۇن سايىن قاتىناۋ جيىلىگىمەن تاعايىندالادى. 

باسقا باعىتتار بويىنشا: 

- 5 قىركۇيەكتەن باستاپ №10/9 پويىزدىڭ نۇر-سۇلتان-1 – الماتى-1 باعىتىنداعى قاتىناسى وزگەرەدى؛ 

- 5 قىركۇيەكتەن باستاپ №73/74 الماتى-2 – جەزقازعان جەدەل پويىزى قۇرامىندا تالگو ۆاگوندارى (ستاندارتتى ۆاگونداردىڭ ورنىنا) كۇنارا جيىلىگىمەن جۇرەدى؛ 

- 3 قىركۇيەكتەن باستاپ №69/70 الماتى-2 - وسكەمەن-1 تالگو كوممەرسيالىق پويىزىنىڭ ءجۇرىسى توقتاتىلادى. 

ۇلتتىق تاسىمالداۋشى جولاۋشىلاردان جول ءجۇرۋ قۇجاتتارىن (بيلەتتەرىن) BILET.RAILWAYS.KZ سايتى نەمەسە «قتج بيلەتتەرى» ءموبيلدى قوسىمشاسى ارقىلى ونلاين رەسىمدەۋدى سۇرايدى. قاجەت بولعان جاعدايدا تەمىرجول بيلەتتەرىن ساتىپ الۋ ءۇشىن «كۇتۋ پاراعى» فۋنكسيونالىن پايدالانۋدى ۇسىنامىز. سونداي-اق جولاۋشىلاردان ءجۇرۋ جولىندا جانە ەلدىڭ ۆوكزالدارىندا بەتپەردە رەجيمىن ساقتاۋدى سۇرايمىز، – دەلىنگەن حابارلامادا.