الماتى قالاسى جاستار ساياساتى باسقارماسىنىڭ تاپسىرىسى اياسىندا «قازاقستان ەرىكتىلەر ليگاسى» قوعامدىق قورى قالانىڭ جوعارعى وقۋ ورىندارى مەن كاسىپتىك جانە تەحنيكالىق ءبىلىم بەرۋ ورىندارىنىڭ ستۋدەنتتەرىنە ارناپ، مەملەكەتتىك جانە ورىس تىلىندەگى دەبات قوزعالىسىن دامىتۋ بويىنشا جوبانى جۇزەگە اسىرۋدى باستادى.
جوبا اياسىندا قالالىق دەبات ورتالىعى اشىلىپ، دەبات كلۋبتارىنا قولداۋ كورسەتىلەدى. بۇنىمەن قوسا، ءارتۇرلى باعالى سىيلىقتار ويناتىلاتىن دەبات تۋرنيرلەرى، وراتورلىق جانە دەبات ويىندارى بويىنشا شەبەرلىك ساعاتتارى ۇيىمداستىرىلادى جانە جوو مەن كجتبب مەكەمەلەرىمەن مەموراندۋمعا وتىرىپ، الەۋمەتتىك، تاربيە جۇمىسى جونىندەگى پرورەكتورلارمەن جۇمىس اتقارىلادى.
اتالمىش جوبا بارىسىندا شەتەلدىك دەباتەرلارمەن تاجىريبە الماسۋ، شەبەرلىك ساعاتتارى مەن تۋرنيرلەردى دە ۇيىمداستىرىلۋى كۇتىلۋدە. ق ر رامىزدەرىنىڭ 30 جىلدىعىنا وراي ۇيىمداستىرالاتىن دەبات ءتۋرنيرىنىڭ اشىلۋ سالتاناتىنا عىلىم جانە جوعارعى ءبىلىم ۆيسە-مينيسترى، ەلباسى اكادەمياسىنىڭ ديرەكتورى مەن ۇلتتىق دەبات فەدەراسياسى پرەزيدەنتىنىڭ قاتىسۋى كۇتىلۋدە.
شەبەرلىك ساعاتارىنز وسى سالانىڭ بىلىكتى ماماندارى مەن ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ، ءارتۇرلى وراتورلىق شەبەرلىككە، كوپشىلىك الدىندا سويلەۋگە ۇيرەتەتىن ترەنەرلەر وتكىزەدى. جوبا ناتيجەسىندە قالامىزدىڭ دەبات كلۋبتارى جوق جوو-دارى مەن كجتبب مەكەمەلەرىندە كلۋبتار اشىلىپ، قالا بويىنشا 6000-نان اسا ستۋدەنتتەر قامتىلىپ، امەريكالىق پارلامەنتتىك جانە بريتاندىق پارلامەنتتىك دەبات دامىپ، ءسوز ساپتاۋى، سىني ويلاۋ قابىلەتى ارتىپ، تۇلعالىق تۇرعىدا دامي تۇسەدى.