تۇماۋدىڭ ماۋسىمدىق كوتەرىلۋى جالعاسۋدا
ەلىمىزدە اپتا سايىن ءجرۆي-دىڭ 160 مىڭ جاعدايى تىركەلىپ وتىر. بۇل تۋرالى دەنساۋلىق ساقتاۋ ۆيسە-مينيسترى – باس مەملەكەتتىك سانيتاريالىق دارىگەر ايجان ەماعامبەتوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازىرگى ۋاقىتتا جرۆي (ءجىتى رەسپيراتورلىق ۆيرۋستىق ينفەكسيا) جانە تۇماۋدىڭ ماۋسىمدىق كوتەرىلۋى جالعاسۋدا. ەپيدەميالىق ماۋسىم باستالعالى بەرى ءجرۆي-دىڭ 3،8 ملن جاعدايى جانە تۇماۋدىڭ 3 234 جاعدايى تىركەلدى»، - دەدى ايجان ەسماعامبەتوۆا ورتالىق سايلاۋ كوميسسياسىنىڭ وتىرىسىندا.
ونىڭ اتاپ وتۋىنشە، اپتا سايىن ورتاشا ەسەپپەن ءجرۆي-دىڭ 160 000 جاعدايى تىركەلۋدە.
«بايقاپ وتىرعانىڭىزداي، اقپان ايىندا اۋرۋ تومەندەگەن جوق، وتكەن جىلدىڭ وسىعان ۇقساس كەزەڭىمەن سالىستىرعاندا اۋرۋ 30 پايىزعا ارتتى. رەسپۋبليكاداعى ەپيدەميولوگيالىق جاعداي بولجامىنا سايكەس جرۆي-مەن اۋىرۋ ءساۋىردىڭ اياعىنا دەيىن ارتادى جانە كەيىن ازايادى»، - دەدى ۆيسە-مينيستر.