ورال قالاسىندا توتەنشە جاعداي جاريالاندى
باتىس قازاقستان وبلىسىندا رەسپۋبليكالىق جولدى سۋ شايىپ كەتتى، دەپ حابارلايدى Almaty-akshamy.kz.
«قازاۆتوجول» اق بقو فيليالىنىڭ مالىمەتى بويىنشا 13 ناۋرىز كۇنى جەرگىلىكتى ساعات 18.20-دان باستاپ رەسپۋبليكالىق ماڭىزى بار پودستەپنىي-تەرەكتى-رف شەكاراسى اۆتوجولىندا (97-131 كم، ءبورلى اۋىلىنان اقساي قالاسىنا دەيىن) بارلىق كولىك تۇرلەرى ءۇشىن قوزعالىس شەكتەلدى.
جابىلۋ سەبەبى – تاسقىن سۋ جولدى شايىپ كەتكەن.
وسىعان بايلانىستى بقو تج دەپارتامەنتى ەسكەرتۋ جاريالاپ، مەكەمە-ۇيىمدارعا حابارلاندىرۋ جىبەردى.
ەسكە سالا كەتەيىك، بۇدان بۇرىن باتىس قازاقستان وبلىسىنداعى ءبورلى اۋدانىندا توتەنشە جاعداي جاريالانعانىن جازعان بولاتىنبىز.
سونداي-اق ورال قالاسىندا توتەنشە جاعداي جاريالاندى.
كەيىن بقو-نىڭ تاعى ءبىر اۋدانىندا توتەنشە جاعداي جاريالاندى.
بۇگىن كەشقۇرىم باتىس قازاقستان وبلىسى ءبورلى اۋدانى اقبۇلاق اۋىلىنا تاسقىن سۋ كىرىپ، 44 ادام ەۆاكۋاسيالاندى.