ەلدە ەت باعاسى نەگە قىمباتتاپ جاتىر؟

بۇل ساۋالعا جاۋاپ رەتىندە اۋىل شارۋاشىلىعى ءمينيسترى ايداربەك ساپاروۆ ۇكىمەتتە وتكەن بريفينگتە ەت باعاسىنىڭ قىمباتتاۋىنىڭ نەگىزگى سەبەپتەرىن اتادى، دەپ حابارلايدى aqshamnews.kz

ءمينيستردىڭ ايتۋىنشا، قۋاڭشىلىقتىڭ قازىرگى ەت باعاسىنا قاتىسى جوق. 2023 جىلى استىق ءونىمدى، شىعىمدى بولعانىمەن، ەتتىڭ قىمباتتاۋىنا باسقا فاكتورلار اسەر ەتكەن.

تاجىكستان مەن وزبەكستاننان ەتكە دەگەن سۇرانىس كۇرت كوبەيدى. وعان قوسا، قازاقستانداعى دەلدالدار دا جاعدايدى پايدالانىپ، باعانى ءوسىردى. ءقازىر نارىقتا باعا بىرتىندەپ تۇراقتانىپ كەلەدى، - دەپ ءتۇسىندىردى مينيستر بريفينگتە.

ءمينيستردىڭ ايتۋىنشا، ەت باعاسى 2 700-3 300 تەڭگە ارالىعىندا ساتىلىپ جاتىر. كەيبىر ەت بولىكتەرى 3 500 تەڭگەگە دەيىن جەتۋى مۇمكىن.

كوتەرمە باعا بۇرىن 1 100-1 300 تەڭگە بولعان، ال ءقازىر سۇرانىستىڭ ارتۋىنا بايلانىستى 1 500 تەڭگەگە دەيىن كوتەرىلدى، - دەيدى ول.

ساپاروۆتىڭ ايتۋىنشا، باعانىڭ قانشالىقتى وسەتىنىن ناقتى بولجاۋ قيىن. سەبەبى ساۋدا ورتالىقتارى باعانى وزدەرى بەلگىلەيدى. ول اۋىل شارۋاشىلىعى مينيسترلىگى ساۋدا ورىندارى مەن شەكتى باعانى رەتتەۋگە كۇش سالىپ جاتقانىن اتاپ ءوتتى.

ءمينيستردىڭ سوزىنشە، وڭىرلەردە ەت باعاسى 2 700-2 800 تەڭگە كولەمىندە ۇستالىپ وتىر. ءبىراق سىرتقى نارىقتاعى سۇرانىس ساقتالسا، باعانىڭ ودان ءارى وزگەرۋى مۇمكىن.