قالاداعى ەكولوگيالىق باستامالاردى تالقىلاۋ ماقساتىندا «ەكو-حابتىڭ» تانىستىرىلىمى ءوتتى. ءىس-شارا بارىسىندا قاتىسۋشىلارعا ەكولوگيالىق جوبالار ۇسىنىلىپ، ولاردىڭ سۇراقتارىنا جاۋاپ بەرىلدى. سونداي-اق، وسى كۇنگە دەيىن اتقارىلعان جۇمىستار تانىستىرىلىپ، قازىرگى كەزدە قانداي باعىتتا ارەكەت ەتىپ جاتقاندارى كورسەتىلدى.
ەۆگەنيي مۇحامەدجانوۆ، «ەكو-حابتىڭ» نەگىزىن قالاۋشى:
«ءبىز بۇل باستامانى قولعا الىپ، جۇمىس ىستەپ جاتقانىمىزعا ءبىر جىل ەمەس، بىرنەشە جىل اياسىندا بولدى. وسى ۋاقىت ارالىعىندا ءبىز ادامداردىڭ تازالىققا ۇمتىلىپ، ەكولوگيالىق مادەنيەتكە ءمان بەرە باستاعانىن بايقادىق. ءبىزدىڭ حابقا كەلۋشىلەر ۇيلەرىندەگى قاجەتسىز، ءبىراق ەكولوگياعا جارامدى قالدىقتاردى وتكىزىپ وتىرادى. بۇل بىزگە وسى سالادا جۇمىستى جالعاستىرۋ كەرەكتىگىن كورسەتەدى. كوپشىلىك مۇنداي باستامالار تەك ەۋروپا ەلدەرىندە عانا جۇزەگە اسادى دەپ ويلايدى. الايدا، وزدەرىڭىز كورىپ تۇرعانداي، بىزدە دە بۇل جۇيە جاقسى جۇمىس ىستەپ تۇر. الماتىنىڭ بىرنەشە جەرىندە ءبىزدىڭ جوبالارىمىز قويىلدى، جانە ولاردىڭ ناتيجەسى ارقىلى ءبىزدىڭ حابدىڭ جۇمىسى وڭ ناتيجە بەرىپ جاتقانىن كورە الاسىزدار.»
«ەكو-حاب» قالا ەكولوگياسىن جاقسارتۋعا باعىتتالعان ماڭىزدى باستاما ەكەنىن تاعى ءبىر مارتە دالەلدەدى.
