ەلىمىزدە 133 جول بويىنداعى جىلىتۋ پۋنكتى جۇمىس ىستەيدى

سall-ورتالىعىنا 1403 ءنومىرى بويىنشا حابارلاسۋعا بولادى.

قىستا «قازاقاۆتوجول» جاۋاپكەرشىلىگى شەكتەۋلى سەرىكتەستىگىنىڭ جول قىزمەتتەرى رەسپۋبليكالىق تراسسالاردى تاۋلىك بويى تازالاۋ جانە قولايسىز اۋا رايىندا اۆتوكولىكتەردى سۇيەمەلدەۋ جۇمىستارىن جۇرگىزدى، دەپ حابارلايدى Almaty-akshamy.kz ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.

قولايسىز مەتەورولوگيالىق جاعدايلاردا الىس ساپارعا شىقپاۋ تۋرالى ارنايى قىزمەتتەردىڭ ەسكەرتۋلەرىنە قاراماستان، كەيبىر جولاۋشىلار تۇرعىلىقتى مەكەنجايلارىنان تىس جەرلەرگە شىعىپ، توتەنشە جاعدايلارعا تاپ بولىپ جاتتى.

ماسەلەن، وتكەن قىستا جول قىزمەتكەرلەرىنىڭ كۇشىمەن قار قۇرساۋىنان 720 كولىك قۇرالى شىعارىلدى. ولاردىڭ 391ء-ى جىلى بوكستارعا ورنالاستىرىلسا، جولدا قالعان 2 مىڭنان استام ادام «قازاقاۆتوجول» جىلىتۋ پۋنكتتەرىنە جايعاستىرىلدى. جالپى، ەلىمىز بويىنشا بارلىق قاجەتتى جابدىقپەن قامتاماسىز ەتىلگەن 133 جىلىتۋ پۋنكتى جۇمىس ىستەيدى.

ەستەرىڭىزگە سالا كەتەيىك، جولدا كۇتپەگەن جاعدايلار تۋىنداعان كەزدە، تاۋلىك بويىنا ءبىرىڭعاي سall-ورتالىعىنا 1403 ءنومىرى بويىنشا حابارلاسۋعا بولادى.