بۇل تۋرالى ءماجىلىستىڭ جالپى وتىرىسىندا ق ر پرەمەر-مينيسترىنىڭ ورىنباسارى تامارا دۇيسەنوۆا ايتتى.
ول رەسپۋبليكاداعى ءبىلىم بەرۋ جانە دەنساۋلىق ساقتاۋ جۇيەلەرىن دامىتۋ شارالارى تۋرالى ايتىپ بەردى، دەپ حابارلايدى Almaty-akshamy.kz.
«مەملەكەت باسشىسىنىڭ تاپسىرماسى بويىنشا “جايلى مەكتەپ” ۇلتتىق جوباسى جۇزەگە اسىرىلا باستادى. ونىڭ اياسىندا 369 مەكتەپ سالىنباق. جەرگىلىكتى جانە رەسپۋبليكالىق بيۋدجەتتەر، ءبىلىم بەرۋ ينفراقۇرىلىمىن قولداۋ قورى، مەملەكەتتىك-جەكەشەلىك ارىپتەستىك جانە جەكە ينۆەستيسيالار ەسەبىنەن سالىنىپ جاتقان نىسانداردى قوسقاندا، 2026 جىلعا دەيىن 1،5 ملن جاڭا وقۋشى ورنى پايدالانۋعا بەرىلمەك»، — دەدى تامارا دۇيسەنوۆا.
ۆيسە-پرەمەردىڭ ايتۋىنشا، ءبىلىم نىساندارىن سالۋ عانا جەتكىلىكسىز. سونداي-اق مەكتەپتەردى بىلىكتىلىگى جوعارى كادرلارمەن قامتاماسىز ەتۋ ماڭىزدى. ماسەلەن، سالاعا ۇزدىك مامانداردى تارتۋ ماقساتىندا پرەزيدەنت تاپسىرماسىنا ساي ۇستازدار جالاقىسى ەكى ەسە ۇلعايعان بولاتىن.
بىلىكتى كادرلار قاتارىن كەڭەيتۋ جوو-نىڭ باسەكەگە قابىلەتتىلىگىن ارتتىرۋمەن تىعىز بايلانىستى. قازىردە ەلىمىزدە الدىڭعى قاتارلى 5 شەتەلدىك جوو فيليالى اشىلدى.
دەدى ۆيسە-پرەمەر.
مەديسينالىق سالانى دامىتۋ بويىنشا ق ر پرەمەر-مينيسترىنىڭ ورىنباسارى قازىرگى ۋاقىتتا مەملەكەت باسشىسىنىڭ تاپسىرماسىن ورىنداۋ ءۇشىن اۋىلدىق دەنساۋلىق ساقتاۋدى جاڭعىرتۋ جونىندەگى ۇلتتىق جوبا ىسكە اسىرىلىپ جاتقانىن اتاپ ءوتتى.
«جوبا اياسىندا 2025 جىلدىڭ سوڭىنا دەيىن 655 العاشقى مەديسينالىق-سانيتارلىق كومەك بەرۋ نىسانى، 32 كوپسالالى ورتالىق اۋداندىق اۋرۋحانا سالىنادى، اۋىلداعى دەنساۋلىق ساقتاۋ مەكەمەلەرى ءۇشىن 1 100 مەديسينا قىزمەتكەرى وقىتىلادى»، — دەدى تامارا دۇيسەنوۆا.
سونداي-اق ۆيسە-پرەمەر «ديپلوممەن اۋىلعا» جوباسى اياسىندا جاس مامانداردى تارتۋ ءۇشىن 2024 جىلدان باستاپ تۇرعىن ءۇي ساتىپ الۋعا بەرىلەتىن بيۋدجەتتىك نەسيە مولشەرى 1،5 مىڭ اەك-تەن 2،5 مىڭ اەك-كە دەيىن ۇلعايتىلاتىنىن ايتتى.