بۇگىنگى كۇنى قازاقستاندا 14،9 ملن گا ءداندى داقىلدار جينالدى، بۇل جوسپارلانعان الاڭنىڭ 86،2%-ن قۇرايدى.
ورتاشا ونىمدىلىگى 9،2 س/گا بولعان كەزدە 13،6 ملن توننا استىق باستىرىلدى، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنە سىلتەمە جاساپ.
بيىلعى ۆەگەتاسيالىق كەزەڭدە فەرمەرلەر ءبىرقاتار قيىندىقتارعا تاپ بولدى. وڭتۇستىك ايماقتاردا قۇرعاقشىلىق بولدى، ال سولتۇستىگىندە قاتتى جاڭبىر جاۋدى، بۇل ەگىننىڭ جاي-كۇيىنە جانە جينالعان داقىلدىڭ ساپاسىنا اسەر ەتتى.
مەملەكەت باسشىسىنىڭ اعىمداعى جىلدىڭ اۋا-رايىنان زارداپ شەككەن اۋىل شارۋاشىلىعى وندىرۋشىلەرىنە قاجەتتى قولداۋ كورسەتۋ جونىندەگى تاپسىرماسى شەڭبەرىندە مىناداي شارالاردى قابىلداۋ ۇسىنىلدى:
- فورۆاردتىق ساتىپ الۋ شەڭبەرىندە «ازىق-تۇلىك كورپوراسياسىنىڭ» ساتىپ الۋ باعاسى 3-سىنىپتى بيداي ءۇشىن 120 مىڭ تەڭگە جانە 4-سىنىپتى بيداي ءۇشىن 105 مىڭ تەڭگە مولشەرىندە بەلگىلەنسىن؛
- فورۆاردتىق ساتىپ الۋ جانە تاۋارلىق كرەديت بويىنشا فەرمەرگە ايىپپۇل تولەمەي نەمەسە 1،05 نەمەسە 5% كوەففيسيەنتى بويىنشا 3-سىنىپتى بيدايدى 4-سىنىپقا اۋىستىرۋ جولىمەن اقشالاي قاراجاتپەن مىندەتتەمەلەردى ورىنداۋعا مۇمكىندىك بەرۋ؛
- مىندەتتەمەلەردى ورىنداۋعا مۇمكىندىگى جوق اۋىل شارۋاشىلىعى تاۋارىن وندىرۋشىلەر ءۇشىن 3% مولشەرىندە بانكتىك سىياقىلاردى وتەي وتىرىپ، شارتتى ورىنداۋ مەرزىمىن 1 جىلعا ۇزارتۋدى جۇزەگە اسىرۋعا مۇمكىندىك بەرۋ.
سونىمەن قاتار، شارۋالار «ازىق-تۇلىك كورپوراسياسى» استىقتى فەرمەرلەردەن، اسىرەسە جەمدىك بيدايدان تىكەلەي ساتىپ الۋدى سۇرايدى. بۇل استىق نارىعىنا اسەر ەتۋگە جانە سول ارقىلى استىق وندىرۋشىلەردىڭ قارجىلىق جاعدايىن جاقسارتۋعا مۇمكىندىك بەرەدى.
باياندالعاندى ەسكەرە وتىرىپ، 350 مىڭ توننا كولەمىندە تىكەلەي ساتىپ الۋدى مىناداي باعامەن جۇزەگە اسىرۋ ۇسىنىلدى: 4 – سىنىپتى بيداي ءۇشىن 105 مىڭ تەڭگە، 5 – سىنىپتى بيداي ءۇشىن 90 مىڭ تەڭگە، سىنىپتى ەمەس بيداي ءۇشىن 70 مىڭ تەڭگە.
بۇل رەتتە، ساتىپ الۋ بيۋدجەتتەن ءتيىستى قاراجات بولىنگەننەن كەيىن جۇزەگە اسىرىلاتىن بولادى.