ەلباسى نۇرسۇلتان ءابىش ۇلى نازاربايەۆ جاريا ەتكەن «تاۋەلسىزدىك تاعىلىمى» ماقالاسى ەلىمىز ءۇشىن ماڭگىلىك ەلدىڭ بولاشاعىنىڭ باعىتىن انىقتايتىن جانە ءبىزدىڭ ۇستانىمىز بولاتىنى ءسوزسىز.
ەلباسى ءوز سوزىندە «وسىلايشا ءبىز تاۋەلسىزدىگىمىزدى باياندى ەتىپ، ەل تۇتاستىعىن ساقتاپ، وتباسىلىق قۇندىلىقتاردى جاڭعىرتىپ، ۇلت مادەنيەتىن ناسيحاتتاپ، تەرەڭ ءبىلىم مەن ادال ەڭبەككە دەن قويعان جاسامپاز ەل بولامىز!» - دەپ ايتتى. شىندىعىندا وسى سوزدەر تاۋەلسىزدىكتىڭ ءتۇيىنى، بىزگە باعدار بەرەتىن جولباسشى ەكەنى ايقىن.
بۇگىنگى زاماندا ەكونوميكادا ادامي كاپيتالدىڭ ورنى ەرەكشە ەكەنى بەلگىلى، ال ادامي كاپيتالدىڭ نەگىزى – ءبىلىم. سول سەبەپتى، ەلباسى بىلىمدىلىكتى ەرەكشە ايتىپ، بارلىق باعدارلامالارىندا ءبىلىم بەرىگە ەرەكشە كوڭىل ءبولىپ كەلەدى.
ەلباسى ءوز سوزدەرىندە «دامىعان ەل دەگەنىمىز – بەلسەندى، ءبىلىمدى جانە دەنساۋلىعى مىقتى ازاماتتار»، “بىزگە قازىرگى زامانعى ەكونوميكالىق جانە قوعامدىق مودەرنيزاسيانىڭ سۇرانىستارىنا ساي كەلەتىن ءبىلىم بەرۋ جۇيەسى قاجەت” جانە «ءححى عاسىردا ءبىلىمى وزىق ەل باسەكەدە جەڭەدى دە ءبىءلىمىن دامىتا الماعان ەل تىعىرىققا تىرەلەدى» - دەپ ءبىلىم بەرۋ سالاسىنىڭ ماڭىزىن اتاپ ايتسا، ەكىنشى جاعىنان ەلباسىنىع باستامالارى قازاقستان ءبىلىمىن الەمدىك دەڭگەيگە كوتەرۋگە سەبەپ بولدى. ول باستامالار قاتارىندا ۇلتتىق ءبىلىم بەرۋ جۇيەسىن قۇرۋ، «بولاشاق» ستيپەندياسى، ءبىرىڭعاي ۇلتتىق تەستىلەۋ، نازاربايەۆ ۋنيۆەرسيتەتى، نازاربايەۆ زياتكەرلىك مەكتەپتەرىن قۇرۋ، تەگىن ءبىرىنشى جۇمىسشى مامادىعىن الۋ جانە باسقالاردى ايتۋعا بولادى.
«وزىڭە سەن، ءوزىڭدى الىپ شىعار، ەڭبەگىڭ مەن اقىلىڭ ەكى جاقتاپ» دەپ دانا اباي ايتقانداي، ءبىز تەك ءوز ءبىلىمىمىز بەن كۇشىمىزگە سەنۋىمىز كەرەك.
ەلىمىزدە تالانتتى ءارى دارىندى، العىر دا وجەت جاستار جەتەرلىك.
ەندەشە تابىستىڭ كىلتى ۇزدىكسىز ءبىلىم الۋ مەن تىنىمسىز ەڭبەك ەتۋدە» - دەدى ەلباسى.
Nur Otan پارتياسىنىڭ سايلاۋالدى باعدارلاماسىندا جاستارعا ساپالى ءبىلىم بەرۋگە مۇمكىندىك جاساۋعا ەرەكشە كوڭىل ءبولىندى. ەلىمىزدىڭ ءبىلىم جانە عىلىمي ورتالىعى الماتى قالاسىندا الداعى جىلدارى 15 جاڭا مەكتەپ جانە 25 مەكتەپكە جاپسارجاي، 15 مەملەكەتتىك جانە 324 جەكەمەنشىك بالاباقشا سالۋ جوسپارلانىپ وتىر. Nur Otan پارتياسى الماتى قالالىق فيليالىنىڭ جانىنداعى ءبىلىم مەن عىلىمدى دامىتۋ جونىندەگى ايماقتىق قوعامدىق كەڭەسى وسى جوسپاردىڭ ورىندالۋىن باقىلاۋدا ۇستاپ وتىر. كەڭەستىڭ 4 وتىرىسىندا 2021 جىلى سالىنىپ بىتەتىن 3 مەكتەپ، 17 جاپسارجاي جانە 2 بالاباقشانىڭ قۇرىلىسىنىڭ بارىسى تالقىلانىپ، ۇسىنىستار بەرىلدى. سونىمەن بىرگە كەڭەس مۇشەلەرى بىرنەشە رەت قۇرىلىس باسىندا بولىپ، بارىسىمەن تانىستى. وسىنىڭ بارلىعى پارتيانىڭ سايلاۋالدى جوسپارىنىڭ مەرزىمىندە ورىندالۋىنا سەبەپكەر بولىپ جاتىر.
ەلباسى 2012 جىلى «جالپىعا ورتاق ەڭبەك قوعامىنا قاراي 20 قادام» اتتى باعدارلامالىق باعدارلاماسىن جاريالاعاننان بەرى كوپتەگەن يدەيالارىن ىسكە اسىرىپ كەلەدى.
ەلباسى پارتيانىڭ ساياسي كەڭەسىنىڭ كەڭەيتىلگەن وتىرىسىنداعى سوزىندە ەڭبەك ەتۋ تۋرالى كوپتەگەن ويلاردى ايتىپ كەتتى.
«مەن جالپىعا ورتاق ەڭبەك قوعامىن قۇرۋ تۋرالى يدەيامدا ونىڭ بەس ءپرينسيپىن – ەۆوليۋسيالىق دامۋ، ورتاق جاۋاپكەرشىلىك، ءوزارا سەرىكتەستىك، ىنتالاندىرۋ مەن كاسىبيلىككە ۇمتىلۋدى اتاپ كورسەتتىم.
ونسىز كەز كەلگەن قوعام كوشتىڭ سوڭىندا قالۋى مۇمكىن.
ادال ەڭبەك قانا ادامدى مۇراتىنا جەتكىزەدى.
وسىنى جاستاردىڭ ساناسىنا ءسىڭىرۋ قاجەت» - دەپ ايتسا، تاعى ءبىر جەردە:
«تاۋەلسىزدىكتى نىعايتۋ – ەكونوميكانى نىعايتۋ.
بۇل بارشا حالىقتىڭ ەڭبەگىمەن كەلەدى.
سوندىقتان جاس ۇرپاق ەل يگىلىگى ءۇشىن ءاردايىم ەڭبەك ەتۋگە دايىن بولۋى قاجەت» - دەيدى.
وسى سوزدەر ەڭبەكتىڭ ءقادىرىن دە، ەرەكشە ورنىن دا كورسەتەدى.