بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا اۋدان اكىمى ەرجان سەيتەنوۆ مالىمدەدى.
سپيكەر قازىرگى ۋاقىتتا اۋدان اۋماعىندا حالىقتىڭ الەۋمەتتىك وسال توپتارى قاتارىنان 46 مىڭنان استام ادام تۇرىپ جاتقانىن اتاپ ءوتتى، دەپ حابارلايدى Almaty-akshamy.kz
ولار ءۇشىن «باقىتتى وتباسى» وتباسىن قولداۋ ورتالىعى جۇمىس ىستەيدى، وندا اۋداننىڭ 1 850 كوپ بالالى جانە از قامتىلعان وتباسىلارى تىركەلگەن. بيىل ورتالىق ارقىلى 12 مىڭنان استام ءتۇرلى قىزمەت كورسەتىلىپ، ەكى مىڭنان استام ادامعا ارنالعان كۋرستار مەن ترەنينگتەر ۇيىمداستىرىلدى.
سونىمەن قاتار، اۋدان مەسەناتتارى الەۋمەتتىك وسال وتباسىلاردان شىققان 360 بالانى مەكتەپكە قاجەتتى زاتتارمەن قامتىپ، «مەكتەپكە جول» اكسياسىن قولدادى. جالپى وقىتۋ باعدارلاماسى اياسىندا 1 268 وقۋشى ءۇشىن مەكتەپ سومكەلەرى الىندى.
«ترەناجەر جانە سپورت زالدارى جەلىسى بار ءبىرقاتار كاسىپكەرلەرىمىز مۇقتاج وتباسىلاردان شىققان 398 بالانى باسسەينگە، سپورت ۇيىرمەلەرىنە جانە الماتى دەلفينارييىنە تەگىن كىرگىزدى»، - دەپ جالعاستىردى اۋدان اكىمى.
ە. سەيتەنوۆ سونداي-اق اۋداننىڭ 22 كوپ بالالى اناسى ەڭبەك ەتەتىن «Isker ana Almaly» الەۋمەتتىك تىگىن سەحىنىڭ جۇمىسى تۋرالى ايتىپ بەردى. ولار 2 مىڭ تاۋار ءتۇرىن تىگۋگە تاپسىرىس بەردى.
سونىمەن قاتار، جىل باسىنان بەرى «باستاۋ بيزنەس» باعدارلاماسى بويىنشا اۋداندا 175 ادام وقىتۋدان ءوتتى، ونىڭ 70ء-ى 41 ملن تەڭگە سوماسىنا مەملەكەتتىك گرانتتار الدى. ال «قولداۋ» كاسىپكەرلىك ورتالىعى ارقىلى ەكى كوپ بالالى انا تىگۋ بويىنشا ءوز ءىسىن اشۋعا 4 ملن تەڭگەدەن گرانت الدى.
بيىل المالى اۋدانىندا 405 ازاماتقا 3 ملن تەڭگەگە تۇرعىن ءۇي كومەگى كورسەتىلدى. تاعى 1 396 ادام 7 اەك كولەمىندە جالپى سوماسى 49،8 ملن تەڭگەگە الەۋمەتتىك كومەك الدى. ءبىرجولعى الەۋمەتتىك كومەك 684 از قامتىلعان ازاماتقا (20 اەك) 33،7 ملن تەڭگە سوماسىندا كورسەتىلدى.
سوڭىندا المالى اۋدانىنىڭ اكىمى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلامانىڭ جۇزەگە اسىرىلۋى تۋرالى ايتىپ بەردى. ونىڭ ارقاسىندا 3 262 ادام جۇمىسقا ورنالاستىرىلعان.