ەل تۇرعىندارىنىڭ تابىسى 200 مىڭ تەڭگەدەن اسپايدى

ەلىمىزدەگى جان باسىنا شاققانداعى ورتاشا تابىس 172،2 مىڭ تەڭگەنى قۇرادى.

ۇلتتىق ستاتيستيكا بيۋروسىندا 12 مىڭ ءۇي شارۋاشىلىعىنا ءومىر ءسۇرۋ دەڭگەيى بويىنشا جۇرگىزىلگەن ىرىكتەمەلى زەرتتەۋ ناتيجەلەرى ۇسىنىلدى، دەپ حابارلايدى Almaty-akshamy.kz Lsm.kz-كە سىلتەمە جاساپ. 

زەرتتەۋ قورىتىندىسى بويىنشا، 2022 جىلدىڭ IV توقسانىنداعى حالىقتىڭ 96،6%-ى جان باسىنا شاققانداعى ورتاشا تابىسى 200 مىڭ تەڭگەگە دەيىنگى دياپازوندا بولدى. ەلىمىزدەگى جان باسىنا شاققانداعى ورتاشا تابىس 172،2 مىڭ تەڭگەنى قۇرادى.

ۇلتتىق ستاتيستيكا بيۋروسى بۇل كورسەتكىش جالاقىدان وزگەشە ەكەنىن اتاپ ءوتتى، ويتكەنى ول وتباسىنىڭ بارلىق مۇشەلەرىنە بولىنەدى.

مىسالى، ءۇي شارۋاشىلىعى التى ادامنان تۇرادى. كۇيەۋى ايىنا 210 مىڭ تەڭگە تابادى، ايەلى 30 مىڭ تەڭگە جاردەماقىمەن بالا كۇتىمىنە بايلانىستى دەمالىستا. ەر ادامنىڭ اناسى 67،5 مىڭ تەڭگە زەينەتاقى الادى، وتباسىندا كامەلەتكە تولماعان ءۇش بالا بار. ناتيجەسىندە وسى ءۇي شارۋاشىلىعىندا جان باسىنا شاققانداعى تابىس ايىنا 51،25 مىڭ تەڭگەنى قۇرايدى، بۇل وسى كەزەڭدەگى ەڭ تومەنگى كۇنكورىس دەڭگەيىنەن – 46،6 مىڭ تەڭگەدەن ءسال جوعارى.

بۇعان دەيىن LS رەداكسياسى 986،6 مىڭعا جۋىق ادامنىڭ تابىسى ەڭ تومەنگى كۇنكورىس دەڭگەيىنەن تومەن ەكەنىن جازعان بولاتىن. بۇل كەدەيلىك شەگىندە تۇراتىن ەل حالقىنىڭ 5%-ن قۇرايدى.