اتالعان سall-ورتالىق ەلىمىزدىڭ بارلىق پسيحيكالىق دەنساۋلىق ورتالىقتارىن بىرىكتىرەتىن بولادى.
مەديسينالىق-الەۋمەتتىك كومەككە مۇقتاج قازاقستاندىقتارعا كونسۋلتاسيالىق، پسيحولوگيالىق قولداۋ كورسەتۋ ءۇشىن ءبىرىڭعاي سall-ورتالىق قۇرىلادى. بۇل تۋرالى ق ر دەنساۋلىق ساقتاۋ مينيسترلىگىنىڭ شتاتتان تىس باس پسيحياتر-ناركولوگى قۋانىش التىنبەكوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
"وكىنىشكە وراي، «وڭالتۋ بولىمشەلەرى قاي جەردە جۇمىس ىستەيدى، كومەكتى قالاي الۋعا بولادى، بۇل بولىمشەلەرگە قالاي بارۋعا بولادى؟» دەگەن اقپاراتتى حالىق بىلە بەرمەيدى. اتالعان سall-ورتالىق ەلىمىزدىڭ بارلىق پسيحيكالىق دەنساۋلىق ورتالىقتارىن بىرىكتىرەتىن بولادى"، - دەدى قۋانىش التىنبەكوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
سونداي-اق، ونىڭ ايتۋىنشا، ەلىمىزدە وڭىرلىك پسيحيكالىق دەنساۋلىق ورتالىقتارى بار. ولاردا ەسىرتكىگە تاۋەلدى پاسيەنتتەردى مەديسينالىق-الەۋمەتتىك وڭالتۋدىڭ ءۇش كەزەڭدىك باعدارلاماسىمەن ەمدەيتىن بولىمشەلەر جۇمىس ىستەيدى. قازىرگى ۋاقىتتا وسى بولىمشەلەردى كەڭەيتۋ جۇمىستارى جۇرگىزىلىپ جاتىر. ولاردا ەسىرتكىگە تاۋەلدىلىكتەن ارىلۋعا، الەۋمەتتىك داعدىلاردى قالپىنا كەلتىرۋگە، سونداي-اق ەسىرتكىنى قايتا پايدالانۋعا توزىمدىلىكتى قامتاماسىز ەتەتىن جەكە قاسيەتتەردى دامىتۋعا باعىتتالعان مەديسينالىق جانە الەۋمەتتىك ءىس-شارالار جۇرگىزىلەدى.
بۇگىنگى تاڭدا ءۇش كەزەڭدى وڭالتۋ 7 وڭىردە جۇمىس ىستەيدى: اقمولا، قوستاناي، پاۆلودار، تۇركىستان، اقتوبە وبلىستارىندا جانە نۇر-سۇلتان، شىمكەنت قالالارىندا. بارلىق كومەك تەگىن مەديسينالىق كومەكتىڭ كەپىلدىك بەرىلگەن كولەمى اياسىندا كورسەتىلەدى.
«قازان ايىندا سولتۇستىك قازاقستان وبلىسىنىڭ پسيحيكالىق دەنساۋلىق ورتالىعىندا ءبولىم اشىلادى. وسى جىلدىڭ سوڭىنا دەيىن باسقا وڭىرلەردە وسىنداي بولىمشەلەردىڭ اشىلاتىندىعى جوسپارلانعان»، - دەدى ول.