دەنساۋلىق ساقتاۋ مينيسترلىگى «امبۋلاتوريالىق جاعدايلاردا مامانداندىرىلعان مەديسينالىق كومەك كورسەتۋ قاعيدالارىنا» وزگەرىس ەنگىزۋى مۇمكىن، دەپ حابارلايدى Almaty-akshamy.kz
«اشىق» نقا پورتالىندا جاريالانعان قۇجاتتا كورسەتىلگەندەي، ەندى قازاقستار ازاماتتارى تومەندە كورسەتىلگەن مامانداردىڭ كەڭەسىن ونلاين رەجيمدە الا الادى:
- رەابيليتولوگ؛
- لوگوپەد؛
- پسيحولوگ؛
- تەراپيەۆت؛
- پەدياتر؛
- حيرۋرگ؛
- اكۋشەر-گينەكولوگ؛
- وتورينولارينگولوگ؛
- كارديولوگ؛
- پۋلمونولوگ؛
- ريەۆماتولوگ؛
- نيەۆروپاتولوگ؛
- ينفەكسيونيست؛
- اللەرگولوگ؛
- ەندوكرينولوگ؛
- گاستروەنتەرولوگ؛
- وفتالمولوگ؛
- گەماتولوگ؛
- نەفرولوگ؛
- ۋرولوگ؛
- اندرولوگ؛
- گەرونتولوگ؛
- دەرماتوۆەنەرولوگ؛
- يممۋنولوگ؛
- تراۆماتولوگ-ورتوپەد.
«جوبا ق ر پرەزيدەنتىنىڭ سايلاۋالدى باعدارلاماسىن ىسكە اسىرۋ جونىندەگى تاپسىرماسىن ورىنداۋ اياسىندا «ادىلەتتى قازاقستان – ءبارىمىز جانە ءارقايسىمىز ءۇشىن. ءقازىر جانە ءاردايىم» ءىس-شارالار جوسپارىنىڭ 101-تارماعىنىڭ تەلەمەديسينا ارقىلى ورنالاسقان جەرى بويىنشا مەديسينالىق قىزمەتتەرگە قولجەتىمدىلىكتى كەڭەيتۋ بويىنشا ازىرلەندى»، - دەلىنگەن دەنساۋلىق ساقتاۋ ءمينيسترىنىڭ بۇيرىعىندا.
اتالمىش قۇجات 25 ساۋىرگە دەيىن اشىق تالقىلاۋدا بولاتىنىن ايتا كەتۋ كەرەك.